TelesomDahabshiil
Published On: Wed, Apr 26th, 2017

Dawladda Hindiya oo Lo’deeda ku Rakibaysa Qalab Casri ah

Araweelo News Network

Dawladda Hindiya, ayaa Maxkamadda Sare u gudbisay dalab lagu doonayo in lo’da dalka joogta mid kasta lagu siiyo lambar u gaar ah oo lagula soconayo xaaladdiisa Isniintii toddobaadkan.
Wargeyska Times of India oo Jamhuuriya soo xigtay, ayaa daabacay in sac amma neef kasta oo lo’ ah iyo tafiirtiisa la siinayo lambar u gaar ah oo lagula soconayo xaaladdiisa, maxkamadda sarena xukuumaddu ka codsatay in qaraar loogu ansixiyo dalabkaas.
Sida wararku tibaaxeen Waaxda Beerista Xayawaanka, ayaa arrintan u xilsaartay farsamayaqaanno gudaha dhegaha lo’da ku xidhaya qalab 12 lambar ka kooban oo sac kasta u gaar ah.
Dawladdu waxa ay sheegtay in arrintan looga gol leeyahay in si gaar ah loo daryeelo lo’da taagan waqtiga maalista, iyadoo beeralayda ay ka soo yeedhayso qaylo-dhaan ku wajahan in lo’dii dabar go’ ku dhaw dahay. Sidoo kale, waaxdan waxay tilmaantay in qorshahan lagaga hortagayo in la xaddo lo’da, lagana gudbiyo xuduudda u dhexaysa Hindiya iyo Bangaladhiis (India-Bangladesh border).
Ku dhawaad 100,000 farsamayaqaan, ayaa lagu qalabayn doonaa 50,000 qalab casri ah, iyagoo dhegaha lo’da ku rakibi doona qalabkan oo midabkiisu yahay huruud. Marka lagu xidho gudaha hore ee dhegaha lo’da, waxa ay farsamayaqaannadu qalabkan kaga shaqaysiin doonaan barnaamij (database online) internetka toos ula shaqaynaya, kaasoo neef kasta siinaya kaadh caafimaadkiisa lagu ogaado iyo waliba mulkiilaha leh macluumaadkiisa oo faahfaahsan.

About the Author

- #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face<Smiley face noradin-schools---alikhwa