Saynisyahan 13 Jir ah oo Aqalka Cad Lagu Casuumay
Wiil 13 sanno jir ah oo magaciisa la yidhaa Simon-peter Frimpong, una dhashay dalka Ghana ee galbeedka qaaradda Afrika, ayaa lagu casuumay Guriga Cad ee looga taliyo dalka Maraykanka.
Inankan yar oo waqtigan ku nool magaalada Aurora ee Gobolka Colorado ee dalka Maraykanka, waxa uu ka mid noqday 100 arday oo isugu jira saynisyahanno, tiknoolaji, injineero iyo xisaabyahan (STEM) oo ka kala yimi magaalooyinka Ameerika.
Ardaydan yaryar, waxa ay ka mid noqdeen dadka ugu dambeeya ee Madaxweyne Obama kula kulmi doono Aqalka cad (Hands-on Showcase), gaar ahaan waxa uu ka mid ahaa wiilkan yar hal-a-buurada wax ka beddelka sameeyey intii ay wax baranaayeen, dunida wax ku soo biiriyey.
Wiilka yar ee la yidhaah Simon-Peter iyo laba arday oo ay wada dhigtaan dugsiga, ayaa lagu dhiirigeliyey in ay la shaqeeyaan xarunta ciidammada cirka ee Buckley Air Force Base oo sheegtay in ay u baahan tahay lugaha dadka curyaama loo xidho (Prosthetic limb).
Saddexdan saynisyahan waxa ay nashaqdeeyeen, sameeyeenan lugo artafiishal ah oo loo isticmaalayo komubyuutar, isla markaana noocoodu 3-D yihiin, iyagoo sidoo kalena warraysiyo ka qaaday dad isticmaalay lugahooda, iyadoo macalimiintooduna aad uga yaabeen kartida ardaydan carruurta ah ku sameeyeen cagaha amma lugaha dadka curyaamiinta ah ku socon karaan.
