Share this:

" />
Telesom Dahabshiil
Published On: Wed, Jan 13th, 2021

Danjirayaasha DalalkaTurkiga Iyo Qadar Oo Ra’iisal Wasaaraha Soomaaliya Kala Hadlay Amniga Sii Xumaanaya

Araweelo News Network.

#Somalia: Danjirayaasha DalalkaTurkiga Iyo Qadar Oo Ra’iisal Wasaaraha Soomaaliya Kala Hadlay Amniga Sii Xumaanaya

 

Muqdisho(ANN)-Ra’iisal Wasaaraha Xukuumadda Federaalka ah ee Soomaaliya Maxamed Xuseen Rooble ayaa kulan albaabada loo xidhay kula yeeshay xafiiskiisa Danjirayaasha dalalka Turkiga iyo Qatar u jooga Soomaaliya.

Ambassador Mohmet Yelmez oo dalka Turkiga u jooga Soomaaliya  iyo Ambassador Hassan Hamza oo dalka Qadar u jooga Soomaaliya, walaw aan la ogayn waxyaabaha kulankaa ay kaga wada hadleen ra’iisal wasaare rooble iyo labada danjire.

Balse qoraal kasoo baxay xafiiska ra’iisal wasaaraha oo nuqul ka mid ah soo gaadhay shebekaddaha Araweelo News Network, ayaa lagu sheegay in kulankaa lagaga wada hadlay xoojinta xidhiidhka dalalka Qadar, Turkiga iyo Soomaaliya.

Qoraalka ayaa lagu sheegay in kulanka arrimaha diiradda lagu saaray amniga howl-wadeennada ka shaqaynaya dhismaha waddada isku xidha Muqdisho iyo Afgooye oo ay maalgalisay dowladda Qatar, isla markaana fulinayso shirkad laga leeyahay dalka Turkiga, halkaas oo dhowaan qarax lala beegsaday uu sababay in ay ku dhintaan shaqaale ka shaqaynayay oo ahaa Turki dhaawacyo iyo khasaare kasoo gaadhay.

Hase yeeshe ra’iisal Wasaaraha ayaa boggaadiyey sida ay ugu dhabar adaygeen howl-wadeennada gacanta ku haya dhismaha waddada, wuxuuna ka tacsiyadeeyay dawladda Turkiga  iyo shacbiga Soomaalida dhibaatadii loo geystay shaqaalaha Turkiga ee dhisayay, kuwaas oo ku geeriyooday falalkii argagixisadu ku doonayeen hakinta dhismaha waddadan muhiimka ah.

“Xilweyn ayay dowladdu iska saaraysaa sugidda amniga howl-wadeennada ka shaqaynaya waddadan, si aan loo dhibaatayn, argagixisaduna nagama horjoogsanayaan inaan dhammaystirno dhismaha waddadan halbowlaha u ah isku socodka dadka iyo gaadiidka Caasimadda iyo gobolka Shabeellaha Hoose” ayuu yidhi Ra’iisal Wasaare Maxamed Xuseen Rooble.

Qoraalka, ayaa lagu xisay in labada Danjire ee Turkiga iyo Qatar ay dhankooda xaqiijiyeen sida ay uga go’an tahay in lasii wado dhismaha waddadan iyo mashaariicda kale ee horumarineed ee ay ka wadaan Soomaaliya.

Dhinaca kale, wuxuuna kulankan kusoo beegmay iyadoo xiisado siyaasadeed iyo khilaaf cabsi abuuray oo ka dhashay qaabka doorashada uu ka jiro Soomaaliya, kaas oo u dhexeeya mucaaradka, xukuumadda iyo maamul gobolleedyada dalka.

 

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a website based in Somaliland. Arraale is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 <https://web.whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp