Telesom Dahabshiil
Published On: Thu, Apr 29th, 2021

Somalia: Dhawaaqii Xumad Jebinta Ahaa Kadib  Rooble Oo Kulankii U Horeeyay La Yeeshay Maamul Gobolleedyada Qaarkood Iyo Kooxda Midawga Murrashaxiinta

Araweelo News Network.

 

#Somalia: #Ra’iisal Wasaare #Rooble Maxay Ku #Heshiiyeen Maamul Gobolleedyada iyo #Midawga Murrashaxiinta

Muqdisho (ANN)-Ra’iisal Wasaaraha Xukuumadda qalalaasaha siyaasadeed hadheeyay ee Soomaaliya Maxamed Xuseen Rooble ayaa kulamadii u horeeyay la yeeshay, wixii ka danbeeyay dhawaaqiisa xumad jebinta ee lagu dejinayay xaaladda madaxweyneyaasha dowlad gobolleedyada Galmudug, Hirshabelle iyo siyaasiyiinta Midowga Murashaxiinta.

 

Kulankaa oo ahaa mid albaabada loo xidhay oo aannay saxaafadu goob ka ahayn, balse sida lagu sheegay qoraal saxaafadeed kooban oo kulanka kadib kasoo baxay xafiiska ra’iisal wasaare Rooble,  waxa lagaga hadlay  xoojinta nabadda iyo xasiloonida caasimadda dalka, kadib shaqaaqooyinkii maalmihii u danbeeyey ka dhacay magaalada muqdusho.

Qoraal saxaafadeedka oo nuqul ka mid ah soo gaadhay shebekaddaha Araweelo News Network, ayaa lagu sheegay in dhinacyada ka qaybgaaly kulanka iska xog waraysteen arrimaha mudnaanta leh xilligan iyo sida loo dar-dargelin karo geeddi-socodka doorashooyinka dalka.

Bilawga wada hadalada uu hoggaaminayo Ra’iisal Wasaare Maxamed Xuseen Rooble ayaa horudhac u ah dadaalo la doonayo in lagu abuuro jawi nabdoon, si loo helo xasilooni lagu qaban karo doorashooyinka dalka, ayaa lagu yidhi, qoraal saxaafadeedka kasoo baxay xafiiska Rooble.

Sidoo kale, waxa lagu xusay qoraalka warbaahinta loogu tala galay in Ra’iisal Wasaaraha oo ka duulaya heshiis siyaasadeedkii  September 17, dhinacyada uu la kulmay la wadaagay baahida loo qabo in laga wada shaqeeyo sidii xiisaddaha jira loo qaboojin lahaa, isagoo madaxda Dowlad Gobolleed-yada iyo Midowga Murashaxiinta ku adkeeeyay  inay qaataan doorkooda nabadda iyo doorashooyinka.

Kulamada  ayaa lagu tilmaamay kuwo guul kusoo dhammaaday  oo ay dhinacyadu muujiyeen sida ay uga go’an tahay in laga wada shaqeeyo nabadda, xasiloonida iyo doorashooyinka qaranka, balse qoraal saxaafadeedka laguma xusin wax heshiis ah oo ay dhinacyadu isla meel dhigeen, maadaama ay horeba ugu heshiin waayeen dhabaha loo marayo doorashooyin ka dhaca Soomaaliya oo ay mudda dheer khilaafkooda arrimaha doorashadu soo jiitamayay.

Khilaafka siyaasadeed iyo murranka laysku mari waayay  ee doorashooyinka Soomaaliya, ayaa ugu danbayntii sababay mudda kordhintii loo sameeyay xukuumadda Federaalka oo ay natiijadeedu noqotay in ay dab kusii qabato xaaladda, isla markaana qalalaase iyo jawi collaadeed ka abuurtay Muqdisho maalmihii u danbeeyay.

Balse xaaladda ayaa xumad jebin looga dhigay dhawaaqyo kasoo baxay xallay ra’iisal wasaare Rooble oo Madaxweyne Farmaajo xoojiyay, kuwaas oo lagu ishaaray in arrinta mudda kordhinta lagu celinayo gollaha shacabka ee Wakiillada Soomaaliya, kadina laga shaqeeyo dariiqa loo marayo doorashooyin wallaw aannu  jirin qorshe cad oo qeexaya dariiqa lagu gaadhi karo doorashooyin iyo qaabka loo qabanayo.

Araweelo News Network.

info@araweelonews.com

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp