Share this:

" />
Published On: Sun, Aug 25th, 2019

Col. Caarre Oo Ka Hadlay Eedaha Taliyaha Ciidanka Qaranka Somaliland U Jeediyay

Share This
Tags

Hargeysa(ANN)- Col. Siciid Cawil Jaamac (Caarre)  oo ah sarkaal hore uga goostay Ciidanka Qaranka Somaliland, isla markaana hoggaamiya Jabhad hubaysan oo ku sugan Buuraha Woqooyiga Magaalada Ceergaabo ee xarunta gobolka Sanaag, ayaa ka hadlay eedeymo uu maanta u jeediyey Taliyaha ciidanka Millateriga Somaliland, Sarreeye Gaas Nuux Ismaaciil Taani.

Col. Caarre oo Waraysi siiyay Weriye Xasan Galaydh oo ka tirsan Telefishanka Horn Cable, isla markaana khadka Telefoonka ugu waramay, isagoo ku sugan Buuraha Sanaag, ayaa ka hadlay eedaha Taliye Nuux Taani iyo ciidamada ka baxay Somaliland ee ku biiray maamul goboleedka Soomaaliya ee Puntland.

Wuxuuna eedaha Taliye Nuux Taani ku tilmaamay kuwo aan waxba ka jirin, isla markaana wuxuu ku dooday in aanu ahayn gacan-ku-dhiigle, isagoo yidhi, “Anigu 1994, ayaan galay Ciidanka Qaranka Laba Kuliyadood ayaan ka baxay haddii gacan-ku-dhiigle la sheegayo Nuun Taani ayaa ah, isagaa Ciidanka qaranka bur-buriyay ee qabaa’ilka ka dhigay weeye, waxaana markhaati u ah afkiisa, laba kun oo Ciidanka qaranka ka baxay oo dawlad kale galay, ayuu leeyahay awalba waxay iska qaadan jireen lacag bilaash ah, isagaa siin jiray, waxayna muujinay inuu sheer la ahaa.” Ayuu yidhi, Col. Siciid Cawil Jaamac (Caarre)

 Mar uu ka jawaabayay Col. Caarre xadhiga Taliye Nuux Taani sheegay in miiska saraakiishauu ku xidhnaa oo iyadoo Maxkamaddi ku socoto xilka loo magcaabay, wuxuu yidhi, “Caqliga saliimka ah ayaa ku siinaya qof maxkamaddi ku socoto in aan xil loo magcaabin. Anniga denbiile maan ahayn, gacan ku dhiiglena maan ahayn, maxkamad ayaa isii deysay, waana lay magcaabay, arrinta aan ku eedaysnaana waxay ahayd laba ciidan oo jidgooyo isu galay iyo dagaal dhexmaray dagaalkaas oo dhimasho iyo dhaawac sababay ee ma ahayn wax qof gaari geystay qof maag bay ahayd, amarkana isagaa soo bixiyay.” Ayuu yidhi, Col. Caarre.

Waxa kale oo la weydiiyay inuu dad shacab ah iyo askar ku laayay gobolka Sanaag, isla markaana dhacay saadka ciidanka Qaranka ee uu ka tirsanaa, wuxuuna isagoo arrintaa ka jawaabaya yidhi, “Dadka Ceel-afweyn waa dadkaygii, beryahaaba way is dilayeen oo labada qoloba  tigniko way haystaan, Annigu Garoowe ayaan jiray Inamo Aabayashood la dilay oo meelahaa dararweyne ka yimi ayay ahaayeen ee ma ahayn ciidankayga, mana aha wax anniga laygu eedaynkaro, nabadiina waxa laalay Nuux Taani.” Ayuu yidhi, Col. Caarre oo ka hadlayay eedaha uu Taliyaha Ciidanka Qaranka Somaliland Sarreeye Gaas Nuux Ismaaciil Taani warbaahinta u mariyay.

Col. Caarre, wuxuu dagaalka Ceel-afweyn ku eedeeyay Xukuumadda, isagoo Taliyaha Ciidanka iyo Wasiirka Arrimaha Guddaha Somaliland Maxamed Kaahin dusha u saaray, isagoo dhinaca kalena Taliye Nuux ku eedeeyay shaqaaqooyin hore uga dhacay deegaamada galbeedka iyo Duleedka Magaalada Laascaanood.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp