Telesom Dahabshiil
Published On: Fri, Apr 7th, 2017

DP WOLRD Oo $336 milyan Oo Dollar Ku Maalgelinaysa Dekedda Boosaaso Muddo 30 Sanno Ah

Araweelo News Network


Dubai (ANN)- Shirkadda DP WORLD ee laga leeyahay dalka Imaaraadka Carabta, ayaa ku guulaysatay inay muddo 30 sanno ah maamusho dekedda magaalada Boosaaso ee maamul-goboleedka Soomaaliyeed ee Puntland, iyadoo dekedaas lagu maalgelin doono lacag dhan $336 milyan oo doollar.
Guddoomiyaha Shirkadda DP World Mr. Sultan Ahmad Bin Sulayem iyo Madaxweynaha Maamul-goboleedka Soomaaliyeed ee Puntland Mr. Cabdiweli Maxamed Cali (Gaas), ayaa heshiiskan ku kala saxeexday magaalada Dubai ee dalka Imaaraadka Carabta, waxayna labada dhinac caddeeyeen in heshiiskani qayb ka qaadan doono horumarinta kaabayaasha dhaqaalaha ee Soomaaliya, gaar ahaan maamulka Puntland.
Sida lagu sheegay qoraal ka soo baxay DP WORLD, maalgelinta dekedda Boosaaso waxa loo kala qaadayaa laba weji oo wejiga hore ay ku baxayso lacag dhan $136 milyan iyo wejiga labaad oo ay ku baxayso $200 milyan oo doollar, waxaannu mashruucani dhisi doonaa barxad dhererkeedu dhan yahay 450 mitir oo ah halka gaadiidka baddu ku soo xidho marka xammuulka la saarayo amma laga dejiyano (Quay), goob 5 higtar ah oo kayd u ah dekedda iyo dayr 12 mitir ah.

Waxa kaloo mashruuca lagu maalgelinayo dekedda Boosaaso ku jira dhismaha xarunt isgaadhsiinta casriga ah iyo hannaanka hawlgalada teerminaalka (Terminal Operating System), samaynta wiishash waaweyn oo nooca wareega ah (mobile harbour cranes) iyo qalabka adeegada koontiinarada.
“Maalgashigan waxa uu faa’iido weyn u leeyahay Puntland, kaasoo ka qaybqaadan doona horumarinta kaabayaasha dhaqaalaha ee Soomaaliya, gaar ahaan Maamul-goboleedka Soomaaliyeed ee Puntland. Sida la ogyahayna horumarinta kaabayaasha dhaqaaluhu waa muhiimadda ugu saraysa ee dalkayaga, iyadoo ay casriyeynta iyo ballaadhinta dekedda Boosaaso qayb ka qaadan doonto kobcinta xidhiidhka ganacsi ee u dhexeeya dalalka Imaaraadka Carabta iyo Soomaaliya.” Sidaa waxa yidhi Madaxweynaha Maamul-goboleedka Puntland Mr. Cabdiweli Maxamed Cali (Gaas).
Maamulaha Shirkadda DP WORLD Mr. Sultan Ahmed Bin Sulayem, ayaa isaguna sheegay in shirkadooda awood loo siiyey inay maalgeliso dekedda Boosaaso, waxaannu yidhi; “Waxa aannu awood u leenahay in aannu maalgelino dekedo kala duwan oo badan oo ah meelaha ay ku yaalaan suuqyada soo koraya, iyadoo aannu shaqaalaysiino dadka degaanka iyo xirfadaha horumarinta.”
Shirkadda DP WORLD ee laga leeyahay dalka Imaaraadka Carabta, ayaa maalgelin ku samaysa, isla markaana maamulkooda gacanta ku haysa dekeddo badan oo ku yaal qaaraddaha Adduunka, kuwaasoo ay ka mid tahay dekedda magaalada Berbera ee dalka Jamhuuriyadda Somaliland.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp