Share this:

" />
Published On: Thu, Jan 4th, 2018

Go’aamo Iyo Digniino La Xidhiidha Arrinta Maamulka Hawadda Somaliland, Sicirbararka Iyo Isticmaalka Qabyaalada Ee Warbaahinta Oo Kasoo Baxay Xukuumadda

Smiley face

Araweelo News Network

Hargeysa(ANN)-Xukuumadda Somaliland, ayaa soo saartay qodobo muhiim ah oo la Xidhiidha Arrimaha dhaqaalaha ee Sicirbararka Iyo Siyaasada xukuumadda Madaxweyne Muuse Biixi ee ku waajahan Hawadda Somaliland oo dhowaan ay sheegatay Inay la wareegtay.

sidoo kale, waxay Xukuumadda Somaliland ku xustay qodobadaa ay soo saartay Isticmaalka qabyaalada oo looga digay warbaahinta kala duwan ee geyiga Somaliland ka hawlagsha.

Dhammaan Qodobadaa, waxa laga soo saaray Kal-Fadhigii labaad ee ay yeeshaan golaha wasiiradda ee Xukuumadda Madaxweyne Muuse Biixi oo maanta Ka qabsoomay Qasriga Madaxtooyadda Somaliland, waxaana si gaar ah qodobadaa loogu xusay Guddi loo saaray xal u helidda qiima dhaca shilinka Somaliland oo saamayn xun ku yeeshay Nolosha bulshada.

Qoraal saxaafada loo qaybiyay oo kasoo baxay Madaxtooyadda, ayaa lagu shaaciyay qodobadaa kasoo baxay Kal-fadhigii labaad ee Shirka golaha wasiiradda, kuwaas oo u qornaa sidan:-

“Kal-fadhigii labaad (2aad) ee ay yeeshaan golaha wasiirada Jamhuuriyadda Somaliland oo uu shir-gudoominayey Madaxweynaha Qaranka Somaliland, Mudane Muuse Biixi Cabdi kuna wehelinaayey madaxweyne ku xigeenka Somaliland, Mudane Cabdiraxmaan Cabdilaahi Ismaaciil Saylici oo ka qabsoomay hoolka shirarka golaha wasiirada ee Madaxtooyada Somaliland, ayaa dood-dheer oo ay yeesheen ka dib waxa shirkaasi ka soo baxay laguna lafo-guray qodobo muhiim u ah qaranka iyo shacbiga Somaliland.

Waxaanay u dhignaayeen Qodobada ka soo baxay shirku:-

1. In Dawladda Somaliland ay gardaro cad u aragto faro-gelinta ay Soomaaliya ku samaysay hawada Somaliland, sidoo kalena ay qaar ka mid ah maamulkeedu soo galaan xuduudaha Somaliland, taasina maaha mid ay Somaliland u dulqaadan doonto wixii hadda ka danbeeya.

2. In la xoojiyo go’aankii wasaaradda Hawlaha Guud, Dhulka iyo Guriyeyntu ay ka soo saartay joojinta dhulka danta guud ee qaranka.

3. In la joojiyo qabyaalada loo isticmaalo warbaahinta kala duwan ee dalka ka hawl-gasha.

4. In xubnahan hoos ku xusan loo saaro inay ka shaqeeyaan xal u helidda qiima dhaca shilinka Somaliland, xubnahaas oo kala ah:-

Ø Wasiirka Wasaaradda Horumarinta Maaliyada, Yuusuf Maxamed Cabdi,

Ø Wasiirka Wasaaradda Ganacsiga, Wershedaha iyo Dalxiiska, Maxamuud Xasan Sacad

Ø Wasiirka Wasaaradda Horumarinta Maalgashiga, Maxamed Axmed Maxamuud Cawad

Ø Wasiirka Wasaaradda Isgaadhsiinta iyo Tignoolajiyadda, Dr Cabdiweli Sh Cabdilaahi Suufi

Ø Wasiirka Wasaaradda Xannaanada Xoolaha iyo Horumarinta Kalluumaysiga, Xasan Maxamed Cali iyo

Ø Guddoomiyaha Baanka Dhexe ee Jamhuuriyadda Somaliland, Maxamed Cabdi Ibraahim (Dhoobaale)

ALLAA MAHAD LEH

Naasir Yuusuf Daahir
Agaasimaha Saxaafadda Madaxtooyada JSL.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp