Share this:

" />
Published On: Sun, Apr 29th, 2018

Guddoomiyaha WADDANI Cabdiraxmaan Ciro Oo Ka Hadlay Xadhiga Boqor Cismaan Buurmadaw

Smiley face

Araweelo News Network

Burco(ANN)- Guddoomiyaha Xisbiga Mucaaradka ah ee WADDANI Dr Cabdiraxmaan Maxamed Cabdullaahi, ayaa ka hadlay Xadhiga ay Xukuumadda Madaxweyne Biixi kula kacday Boqor Cismaan Aw Maxamuud (Buurmadow)’ wuxuuna ku tilmaamay xadhigiisa inuu yahay mid siyaasadeed oo la xidhiidha muran uu sida uu sheegay ka taagan Guddoomiyahanimada Xisbiga KULMIYE.

Guddoomiye Cabdiraxmaan Cirro, wuxuu sidaa ku sheegay mar uu hadal ka jeediyay magaalada Burco, isagoo sheegay inuu ka xunyahay qaabka ay ay xukuumaddu u martay xadhiga Boqor Buurmadaw, wuxuuna isagoo arrimahaa ka hadlaya yidhi, “‘Waxaad ka warqabtaan Boqor Cismaan Buurmadow in la xidhay hadda Xisbiga WADDANI muu ahayn ee wuxuu ahaa Odayaashii KULMIYE ugu olollaha badnaa, laakiin dariiqa loo maray xadhigiisa iyo in aan la siinin xaqa ah inuu is difaaco, wuxuuna ahaa dariiqa loo maray xadhigiisa mid khaldan, waxa kale oo aan qabnaa in Odayga loo xidhay waxaan ahayn wixii lagu soo eedeeyey, Boqor Cismaan waxaad ka warqabtaan inay Odayaal Togdheer gacanta iskugu dhiibeen berigii dhaweyd doorashada ka hor oo ahayd in Xisbiga KULMIYE lagu soo wareejiyo oo uu Muuse soo wareejiyo doorashada ka dib…” Ayuu yidhi Cirro

Guddoomiyaha ayaa sheegay in Xadhiga Boqor Buurmadow aanu ahayn mid la xidhhiidha socdaalkii Puntland uu ku tegey halkaa , balse uu yahay mid ka dhashay dumaasha guddoomiyenimada KULMIYE ‘Waxaanu qabnaa in arrinta uu Boqorku u xidhanyahay aanay ahay safarkii uu ku tegay Puntland boqorka iyo Madaxweynuhu socdaalka wey isla ogayeen oo Boqorka ayaa sheegay oo yidhi, “Madaxweynaha ayaa I diray”, marka uu Hargeysa ka baxayeyna xukuumaddu wey sii macasalaamaysay, marka uu soo noqdayna wey soo dhaweysay, haddana isagoo hudheel jooga ayaa la qabtay,waxa cad waxaa loo xidhay boqorka inay tahay muran ka dhaxeeya KULMIYE oo ah Madaxweynuhu inuu soo wareejiyo Xisbiga KULMIYE sidii ay Odayaashu isku ogaayeen, markaa arintaas ayuu u xidhanyahay Boqorku Ayuu yidhi Guddoomiyaha WADDANI.

Guddoomiye Cirro ayaa ugu baaqay Madaxweyne Biixi Inuu fuliyo wacadkii uu la galay cahdigii ololaha Doorashada , isla marakaana uu wareejiyo Guddoomiyenimada KULMIYE., isagoo yidhi, ‘Madaxweynaha waxaanu leenahay wixii aad markii hore odayaasha kula heshiisay dee ogolow oo Boqorka iska siidaa…” ayuu yidhi Guddoomiye Ciro.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp