Hargeysa(ANN)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta oo ay taariikhdu ahayd 09-10-2019 xafiiskiisa ku qaabilay safiirka midawga yurub u qaabilsan dalalka Somaliland iyo Soomaaliya, Amb. Nicolás Berlanga Martinez iyo wefti uu hoggaaminayo.

Madaxweynaha Somaliland Muuse Biixi oo ku qaabilay Madaxtooyadda Wefdiga Amb. Nicolás Berlanga Martínez. 9 Oct 2019.
Madaxweynaha Somaliland Muuse Biixi oo ku qaabilay Madaxtooyadda Wefdiga Amb. Nicolás Berlanga Martínez. 9 Oct 2019.

Kulankaana waxa lagaga wada hadlay xoojinta xidhiidhka wada shaqayneed ee ka dhexeeya Jamhuuriyadda Somaliland iyo midawga yurub sidii loo dardar-gelin lahaa. Sidoo kale, waxa lagu lafo-guray mashaariicda horumarineed ee midawga yurub iyo Jamhuuriyadda Somaliland iska kaashadaan hirgelintooda iyo diyaar garawga doorashooyinka goleyaasha wakiillada iyo deegaanka oo safiirku sheegay inay dhinacooda diyaar u yihiin wixii kaalmo ah ee ay kaga qayb-qaadanayaan qabsoomida doorashooyinka Somaliland.

Madaxweynaha Somaliland Muuse Biixi oo ku qaabilay Madaxtooyadda Wefdiga Amb. Nicolás Berlanga Martínez. 9 Oct 2019.
Madaxweynaha Somaliland Muuse Biixi oo ku qaabilay Madaxtooyadda Wefdiga Amb. Nicolás Berlanga Martínez. 9 Oct 2019.

Ugu danbayntiina madaxweynaha Jamhuuriyadda Somaliland oo uu kulanka ku wehelinaayey wasiirka arrimaha dibeda iyo iskaashiga caalamiga ah Prof. Yaasiin Maxamuud Xiir (Faratoon), ayaa safiirka iyo midawga yurub ku bogaadiyey xidhiidhka wanaagsan ee ka dhexeeya Somaliland iyo midawga yurub iyo mashaariicda horumarineed ee ay dalka ka wadaan.

ALLAA MAHAD LEH

 Maxamuud Warsame Jaamac

Af-hayeenka Madaxweynaha JSL.
— Nasir Yusuf Dahir, Director of the Media Department in the Office of the President Republic of Somaliland

ناصر يوسف ضاهر ، مدير إدارة الإعلام في مكتب رئيس جمهورية أرض الصومال