Telesom Dahabshiil
Published On: Mon, Feb 8th, 2021

Maraykanka Oo Ka Digay Xiisadda Siyaasadeed Ee Soomaaliya Farriina U Diray Dhinacyada Ku Muransan

Araweelo News Network.

 

Muqdisho(ANN)-Dawladda Maraykanka, ayaa si adag uga hadashay xiisadda siyaasadeed ee ka taagan Soomaaliya, taas oo sii xoogaysatay kaddib markii ay dhammaatay muddada xilka Madaxweyne Farmaajo, iyadoo aannu jirin wax heshiis ah oo ay hoggaamiyayaasha Siyaasadu isla gaadheen.

Maraykanka ayaa ugu baaqday Madaxweyne Farmaajo iyo hoggaanka qaranka Soomaaliya inay deg deg u xaliyaan is-mari waaga siyaasadeed ee ka taagan doorashada Soomaaliya, oo ay sheegtay inuu halis gelinayo mustaqbalka Soomaaliya.

 

“Is-mari waaga siyaasadeed ee sannadkii tegay wuxuu dhaliyey horumar la’aan niyad jab leh oo ku aadan dagaalka Al-Shabaab, horumarinta amniga, sare u qaadidda horumarinta dhaqaalaha kaddib markii lagu guuleystay wejiga koowaad ee deyn cafinta, iyo in si wax ku ool ah wax looga qabto amni-darrada cunnada iyo musiibooyinka halis gelinaya Soomaali badan,” ayaa lagu yidhi, qoraalka safaaradda Maraykanka.

Dowladda Maraykanku, waxay ugu baaqday dhinacyada siyaasada Soomaaliya in si deg deg ah oo loo xaliyo is-mari waaga siyaasadeed oo ay muhiim u tahay mustaqbalka Soomaaliya in la eego.

“Waa mas’uuliyadda iyo waajibaadka qaran ee hoggaamiyayaasha qaranka iyo kuwa gobollada inay dhinac iska dhigaan raadinta faa’iido siyaasadeed, ayna taa beddelkeeda ka shaqeeyaan danta shacabka Soomaaliyeed, oo u qalma inay waxa ugu wanaagsan ka helaan hoggaamiyayaashooda,” ayaa lagu yidhi, qoraalka.danjiraha dawladda Maraykanka u jooga Soomaaliya kasoo saaray xiisadda khilaafka siyaasadeed ee Soomaaliya, “Hadda waa waqtigii la xalin lahaa arrimaha taagan lana dhameyn lahaa shaqada qabashada doorashooyinka.”, ayaa lagu yidhi, qoraalka.

Baaqan ayaa imanaya iyadoo maanta ay ku egtahay muddo-xileedka Afarta sannadood ahayd  ee Madaxweyne Maxamed Cabdullaahi Farmaajo, iyadoo koxoda la baxay Midowga Murrashaxiinta ay sheegeen in aannay hadda wixii ka dambeeya madaxweyne u aqoonsanayn Maxamed Cabdullaahi Farmaajo.

 

 

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a website based in Somaliland. Arraale is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 <https://web.whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp