Puntland: Madaxweyne Deni Oo Ka Hadlay Siyaasadda Soomaaliya Ee Laascaanood Iyo Qalalaasaha Qorshaha Xasan Sheekh

Garoowe(ANN)- Madaxweynaha maamul goboleedka Puntland Siciid Deni oo ka hadlay sababta kooxda ajaanibka ka dagaalamay Buuralayda Cal-miskaad, mawqifkiisa qalalaasaha siyaasadda Somalia iyo weliba arrimo kale oo saamayn ku leh marxalada siyaasadda Soomaaliya xilligan maray.

Madaxweyne Deni ayaa sidoo kale ka hadlay mustaqbalka siyaasadda iyo xalka aragtidiisa, isagoo si duur-xul ah u sheegay in Madaxweyne Xasan Sheekh ku fashilmay jidkii rajada yar ee laga qabay, taas oo sida uu xusay meel xun maraysa, isla markaana keentay niyad-jab inay la kulmaan bulshada Soomaalidu.

Hadalka uu ka jeediyay Baarlamaanka maamul goboleedka Puntland waxa uu si sarbeeb iyo duur-xul ah uga hadlay mawqika siyaasadda Puntland ee Laascaanood, isagoo tilmaamay in aannay koox iyo in yar toona waxba ka beddelayn qorshaha siyaasadda aan loo baahnayn ee dawladda Soomaaliya ee ku waajahan Laacsaanood iyo dadka reer Sool.


Hase yeeshee hadalkiisa wuxuu ku canbaareeyay duulaankii sannadkii hore ee  dawladda Federaalka ee maamul goboleedka Jubaland, wuxuuna arrintaa ku tilmaamay mid aan loo baahnayn oo muujinay siyaasad faashil ah. Muuqaalkan ayuu kaga hadlay arrimaha iyo kuwo kale oo la xidhiidha dhinacyada siyaasadda, amniga, dhaqaallaha, iyo dumuqraadiyada.

Halkan ka Daawo.