Araweelo News Network
Burco(ANN)-Madaxweynaha Somaliland, Muuse Biixi Cabdi Iyo wefdigiisa, ayaa saaka Xilli hore gaadhay Magaalada Burco ee Xarunta gobolka Togdheer.
Dadweynaha Magaalada Burco, ayaa Madaxweyne Muuse Biixi Cabdi iyo weftigii si weyn usoo dhoweeyay waxayna iyagoo ruxaya caleemo qoyan guud ahaanba qaybaha kala duwan ee bulshada ku dhaqan magaalada Burco oo isku duuban ugu qaabileen Madaxweynaha Iyo wefdigiisa soo Dhowayn ballaadhan.
Sidoo kale maamulka gobolka iyo degmada Burco, madax-dhaqameedka, haweenka, dhallinyarada, aqoonyahanka, xildhibaannada iyo siyaasiyiinta oo ay weheliyaan raxan fardo ah, ayaa madaxweynaha iyo weftigiisa kaga hortegay deegaannada Karasharka iyo Qoyta oo dhinaca waqooyi galbeed ka xigta magaalada Burco.
Waxaana Madaxweynaha Iyo wefdigiisa oo gelbinayaan gaadiidka Iyo Farduhu , iyagoo hareeraha kala socda u gelbiyeen gudaha Magaalada.
Soo dhaweynta ay shacabka ku dhaqan magaalada Burco ku qaabileen madaxweynaha iyo weftigiisa, ayaa taxnayd ayaa ahayd mid laga dareemay shaaricyada waaweyn ee magaalada Burco, waxana uu madaxweynuhu mid mid u gacan qaaday madax-dhaqameed iyo waxgarad kala duwan oo waddooyinka u taagnaa soo dhaweyntiisa.
Madaxweynaha Jamhuuriyadda Somaliland Iyo wefdigiisa ayaa laga dareemayay farxad, waxaana la filayaa in Madaxweynaha Iyo wefdigiisu kulamo la yeeshaan Odayaasha dhaqanka ee gobolka Togdheer Iyo Masuuliyiinta Hay’addaha dawladda.
Wixii kasoo kordha safarka Madaxweynaha Somaliland kala soco Araweelo News Network.
