Hargeysa(ANN)– Shirkadda Sahal Tech Tignoolaji oo ka qaybgashay shirkaddaha dhanka Adeegyada Tignoolajiga ee Somaliland, ayaa Shirweynaha Tignoolojiyada (Somaliland ICT Conference 2019), oo saaka ka furmay Huteelka Maansoor ee Magaalada Hargeysa kusoo bandhigtay adeegyada ay qabato.
Guddoomiyaha Shirkadda Sahal Tech Tignoolaji, Eng. Cabdirashiid Maxamed Ismaaciil, ayaa sharaxaad ka bixiyay adeegyada ay qabtaan, isagoo marka horre xusay inay yihiin shrkaddii ugu horreysay ee dhanka Tignoolajiyada ee fulisay adeegii diiwaangelinta doorashooyinka Somaliland ee ugu danbeeyay.
Eng. Cabdirashiid Maxamed Ismaaciil, oo warbixin siinayay Madaxweyne ku xigeenka Somaliland Cabdiraxmaan cabdullaahi Ismaaciil Seylici, oo booqday goobta ay shirkaddu kusoo bandhigtay adeegyada ay qabato, ayaa yidhi, “Sahal Tech, waa shirkaddii ugu horraysay ee Tignoolajiga , waxa uu garanayaa qof walba inay tahay shirkaddii diiwaangelinta Casriga ah ka samaysay Somalilland doorashadii u danbaysay ee Somalilland oo qof walba dareemayo sida loo adlkeeyay, waana shirkadda ugu weyn ee samaysaa Softiwere-da , waxa kale oo aanu samaynay adeega cashuuraha lagu ururiyo iyo waxyaabo badan oo kale. oo ay ka mid yihiin Shirkadda DP World oo aanu xilligan u diyaarinayayno nidaam ay kaga shaqaynaayan shan wadan oo aduunka ah.” Ayuu yidhi, Eng. Cabdirashiid Maxamed .
