Share this:

" />
Telesom Dahabshiil

Somaliland: Madaxweyne Biixi Oo Bulshadda Ku Hambalyeeyey Munaasibadda Ciidal-Adxah

Araweelo News Network

Hargeysa(ANN)-Madaxweynaha Jamhuuriyadda, Mudane Muuse Biixi Cabdi, ayaa  Bulshadda Somaliland iyo guud ahaanba ummadda Islaamka ku hambalyeeyey munaasibadda Ciidal-Adxah ee sannadka Hijriyada Islaamka ee 1441-ka oo maalinta berri ah ku beegan.  Waxana uu u rajeeyey inay sannadkan sannadkiisa ku gaadhaan Barwaaqo iyo nabadqab.

 

Madaxweyne Muuse Biixi Cabdi  waxa uu ummadda Muslimiinta ah ku hambalyeeyey munaasibadda Ciidal Adxada, isagoo xusay inuu sannadkani ku tilmaaman yahay mid aanay muslimiinta dunidu xanuunka Covid-19  dartii u gudan Karin waajibaadka Xajka, waxana uu yidhi,  “Maanta waxan hambalyo iyo boogaadin u dirayaa ummadda Islaamka ah oo dhan, gaar ahaan umadda Somaliland, sannadkanina waxa uu ka duwan yahay sannadihii hore ee Xajka, waxana uu noqday taariikhda inta la ogyahay, waxana uu yahay sannadkii xajka loo tegi waayey cudurka dunida Aafeeyey ee Covid-19, Ilaahayna ha inaga badbaadiyo.”

 

Dhinaca kale, madaxweynuhu waxa uu shacabka Jamhuuriyadda Somaliland uga digay in indho qabiil lagu eego arrimaha qaranka iyo madaxda  qaranka xilalka kala duwan u haya, isaga oo   usoo jeediyey  in doodaha jira si qarannimo leh loo eego, “Meelaha ay ka jiraan shaqaaqooyinku ee u badan deegaan yar oo la isku haysto, Berked meel laga qodo, xoolo daaqeen, Beer iyo jago dalkuna waa inagu filan yahay, waana wada leenahay marka la is qabto si miyir qabta halloo maamulo, dadka waayeelka ah, rag iyo dumar, cirroole iyo carruurba inta la isugu tago khilaafka halkiisa hallagu qabto oo hallaga daayo khilaaf kasta oo yimaadda iyo doodaha yimaadda ee loo rogaya  sida qabaliga ah, dood kasta oo qaranka  ka dhexaysa in loo rogo qabiilo ma aha, shaqo qaran qofkii hayana in la qabiileeyo ma aha oo sidaas dawlado kuma dhismaan, waxaynu doonaynaa inaynu qabiilka ka guurno oo u dhawaanno dhinaca qarannimada oo wax walba si qarannimo ah loo eego,” ayuu yidhi madaxweyne Muuse Biixi Cabdi.

 

Madaxweyne Muuse Biixi Cabdi waxa uu sidoo kale ka hadlay ifafaalaha doorashooyinka goleyaasha wakiillada iyo deegaanka ee inagu soo foolka leh, isaga oo shacabka usoo jeediyey inay doorashada u arkaan arrin dalka muhiim u ah oo lagu soo saarayo haldoorkii iyo labeentii shacabka hoggaamin lahaa, waxana isaga oo arrimahaas ka hadlaya uu yidhi, “Waxan ku talinayaa inay dadku doorashada u arkaa arrin dal ahaan aynu doonayno inaynu hore ugu marno oo dadka inta wanaagsan ee ina hoggaamin karta aynu ku doorano heer walba, haddii ay dawlado Hoose tahay, mid Baarlamaan iyo mid madaxweyne.”

 

Ugu dambayntii waxa uu madaxweynuhu dardaaran usoo jeediyey dadka uu hungurigu kaga jiro inay kamid noqdaan goleyaasha wakiillada iyo deegaanka ee la filayo in dhawaan la doorto, waxana uu usoo jeediyey inay bulshada ka yareeyaan xamaasadda iyo cunfiga kala qoqobka keenaya.

 

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp