TelesomDahabshiil
Published On: Tue, Oct 13th, 2015

Wasiirka Wersheddaha Somaliland Oo Sifeeyay Halgamaa Naftiisa Usoo Huray Dalka Oo Muddan In La Garab Istaago Hankiisa Hoggaamineed

Wasiirka Wersheddaha Somaliland Shucayb Maxamed Muuse

Wasiirka Wersheddaha Somaliland Shucayb Maxamed Muuse

Hargeysa (ANN)Wasiirka Wasaaradda Warshadaha Somaliland Md. Shucayb Maxamed Muuse, ayaa sifeeyay Guddoomiyaha KULMIYE, Muuse Biixi Cabdi halgamaa naftiisa usoo huray dalka oo muddan in lagu taageero hankiisa murashaxnimo ee hoggaaminta talada dalka oo shirka Golaha Dhexe ee la qabanayo 10-ka bisha soo socota ee November lagu soo saarayo murashaxa Doorashada Madaxweynaha uga qaybgelaya KULMIYE, marka la gaadho 3 April 2017.
Wasiir Shucayb oo warbaahinta kula hadlay madaarka diyaaraha ee Hargeysa maanta, kadib markii uu ka soo laabtay socdaal shaqo oo uu ku tagay dalka Holland, waxa uu sheegay in Guddoomiye Muuse Biixi xaq badan ku leeyahay dalka Jamhuuriyadda Somaliland, sidaa darteedna aan cidna la barbar-dhigi karin.
Wuxuuna isagoo ka hadlaya baaxadda loollanka tartanka KULMIYE iyo sababta uu u taageeray Guddoomiye Muuse yidhi, “Waxa soo dhaw shirkii golaha dhexe ee xisbiga KULMIYE oo laga hadal hayo dal iyo dibadba, waxa laga hadlayaana waa culayska xisbigu leeyahay iyo ahmiyadda uu u leeyahay Jamhuuriyadda Somaliland iyo weliba inuu yahay xisbiga ugu awoodda badan oo muddadii shanta sanno ee uu hayey xilka dalka waxqabad badan ka qabtay, sidaa darteed, looma baqayo xisbiga.
Waxaan si buuxda u taageersanahay oo aan la qabaa go’aankii ay gaadheen dadka golaha dhexe ee xisbiga KULMIYE u matalaya deegaannada Subulaha ilaa Saaxil, waxaynu dhisaynaa Guddoomiyaha xisbiga Mujaahid Muuse Biixi Cabdi, waayo ummad waliba taariikh bay leedahay, waddankuna halgan dheer buu soo maray, halgankaasi dalku soo maray maalintii loo baahnaa in loo dhinto ama qoriga la qaato ninkii qaatay baa maantana xaq u leh oo aynu taageeraynaa.”
Waxa kaloo uu xusay in shacabka reer Somaliland oo abaalka gudi yaqaan ay ogyihiin cidda xaqa ku leh, sidaa darteedna aan loo baahnayn in cid kale lala tartansiiyo Muuse Biixi oo weliba baahida waddanku u qabaa joogto.
“Shacabka reer Somaliland waa dad garanaya abaalka uu qof u galo, markaa waxaan odhan lahaa in aan cidna la tartansiinayn maanta oo ay arkayaan cidda Qarankan iyo shacabka reer Somaliland-ba dan u ah, xaqna u leh runtii, annagoon dadka kalena ceebaynayn, laakiin waxaan soo jeedinayaa oo aannu taageersanahay oo hiil iyo hooba la garab-taaganahay inuu mujaahid Muuse Biixi Cabdi noqdo madaxweynaha mustaqbalka Jamhuuriyadda Somaliland. In badan waxa lagu celceliyaa waddanku wuu dhaafay xilligii maxayga iyo xilligii…waddankani cadow badan oo dal iyo dibadba leh buu leeyahay, in la difaaco oo loo dhinto madax iyo mijo, qallinkuna shaqeeyo ayaan soo jeedinayaa,” ayuu yidhi Wasiirka Warshadaha Somaliland Shucayb Maxamed Muuse.

Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews

WhatsApp + 252 63 442 5380
Send an SMS or MMS to + 252 63 442 5380

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Human Rights

Businesses

Pin It