Share this:

" />
Published On: Mon, Jan 8th, 2018

Xukuumadda Somaliland Oo Ka Hadashay Ciidamadeeda Gaadhay Xadka Ay La Wadaagto Soomaaliya Ee Duleedka Garoowe

Smiley face

Araweelo News Network

Cabdiraxmaan Guribarwaaqo

Hargeysa(ANN)-Xukuumadda Somaliland, ayaa ka hadashay dagaal ka dhacay duleedka Magaalada Garoowe ee maamul goboleedka Soomaaliya ee Puntland oo ah xadka u dhexeeya Somaliland Iyo Soomaaliya.

Dagaalka, ayaa dhacay saaka waaberigii kadib markii Ciidamadda Somaliland ku ruquaansadeen deegaanka Tuka-raq oo ah halka uu maro xadka u dhexeeya Somaliland Iyo Soomaaliya oo qiyaastii 40km u jirta Magaalada Garoowe ee maamulka Puntland, iyadoo arrintani kusoo beegantay kadib markii uu Magaalada Garoowe booqasho ku yimi Madaxweynaha dawladda Federaalka ee Soomaliya Maxamed Cabdullaahi Farmaajo.

Wasiirka Wasaaradda Warfaafinta Somaliland Cabdiraxmaan Cabdullaahi Guri-barwaaqo oo warbaahinta la hadlay maanta, ayaa sheegay in ciidanka Qaranka Somaliland gaadheen xadka ay Soomaaliya la wadaagaan.

Afhayeenka Xukuumadda Somaliland Cabdiraxmaan Cabdullaahi Faarax (Guri-Barwaaqo), ayaa isagoo ka hadlaya arrintaa, ayaa yidhi, “Hadaan ka hadlo arrinta ka dhacday xadka u dhexeeya Somaliland iyo Soomaaliya, waxaad la socotaan in dawladda Soomaaliya muddooyinkan ay waday falal daan-daansi ah oo ay ka waday gudaha Somaliland, waxayna dhowaan Magaalada Tuka-raq  ku weerarreen halkaa ciidanka Puntland Garaad Jaamac Garaad Ismaaciil, sidoo kale Wasiirka Amniga ee Puntland Iyo Wasiirka Qorshaynta ee Dawladda Federaalka ee Soomaaliya oo ciidan wata waxay kusoo xadgudbeen Gudaha Somaliland, iyagoo booqday Magaalada Dhahar oo ay ka jeediyeen khudbaddo xaalad abuur ah oo daan-daansi ah, sidaa awgeed Somaliland umma dulqaadanayso daan-daansiga noocaa ah.” Ayuu yidhi.

Wasiirka Warfaafinta Somaliland Cabdiraxmaan Cabdullaahi Guri-barwaaqo, wuxuu fariin u diray Dalalka Mandaqada, Isagoo sheegay in Somaliland Nabad, deganaansho Iyo xasilooni kula noolayd dalalka jaarka, balse hadda wixii ka danbeeya aanay u dulqaadanayn oo dulqaadkii sii dhamaanayo, wuxuuna xusay in Xukuumadda Somaliland, shacbigeeda iyo ciidankeedu diyaar u yihiin Inay dalkooda difaacdaan.

Dhinaca kale Wasiirka Warfaafinta Somaliland, wuxuu fariin u diray Xukuumadda Federaalka ee Soomaaliya, isagoo yidhi, “Soomaaliya waxaan uga digaynaa Inay qalalaase Iyo dhaqdhaaqaaqyo aburaya nabadgelyo daro ka abuurto xadka labada dal, Somalilandna kuma xadgudbayso xuduudaha, balse haddii lagu soo xadgudbo gamcaha kama laabanaydo.” ayuu yidhi.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp