Telesom Dahabshiil
Published On: Sat, May 1st, 2021

Qadar Oo Wefdi Dareen Dhaliyay Usoo Dirtay Somaliland

Araweelo News Network.

#Somaliland: Madaxweyne #Biixi Oo Qaabilay Wefdi Dalka #Qadar Ka Socda oo Dareen Dhaliyay

Hargeysa(ANN)-Madaxweynaha Somaliland, Muuse Biixi Cabdi, ayaa qaabilay wefdi ka socda dalka Qadar oo uu hoggaaminayo Ergayga khaaska ah ee wasaaradda arrimaha dibedda ee dalka Qadar, Dr. Mutlaq bin Majed Al-Qahtani.
Kulankaa oo ahaa mid Albaabada loo xidhay ayaan la oggayn waxyaabaha lagaga hadlay iyo socdaalka xilligan ee wefdiga dawladda Qadar ku yimaadeen Somaliland, balse qoraal kooban oo kasoo baxay madaxtooyadda ayaa lagu sheegay in Madaxweynaha Jamhuuriyadda Somaliland, Mudane Muuse Biixi Cabdi waxa uu maanta xafiiskiisa ku qaabiley wefti ballaadhan oo safar shaqo ku yimi dalka Somaliland,
Qoraalka laguma xusin ujeeddada dhabta ah ee wefdiga, waxase lagu xusay in Madaxweyne Biixi warbixin ka siiyay Somaliland iyo marxalidihii ay soo martay iyo xaaladda guud ee dalku marayo maanta iyo halkii laga soo ambo qaaday geeddiga Dimuquraaddiyadda muddo Soddon sanno ah, waxaanu madaxweynuhu weftiga ka guddoomay salaan ay uga sideen madaxda dalka Qadar.
Sidoo kale, qoraalka ayaa lagu xusay in kulankaas lagaga wada hadlay in labada waddan ay yeeshaan xidhiidh wanaagsan oo walaalnimo iyo iskaashi wada shaqayneed iyo in dalka Qadar halkan (Somaliland) ku yeesho xafiis Diblumaasiyadeed oo rasmi ah, wallaw aannay wefdiga Qadar dhankooda ka hadlin oo aannay wax war ah kasoo saarin, iyadoo xukuumadda Qadar safka hore kaga jirta dalalka sida weyn dhaqaale ahaan iyo Millateri ahaan u taageera dawladda Federaalka ee Soomaaliya.
Madaxtooyadda Somaliland oo ku sheegtay xilkiisa ,{Ergayga gaarka ah ee Ra’iisal-wasaare ku-xigeenka, ahna wasiirka arrimaha dibedda ee dalka Qadar) waxay ku xusay qoraalkeeda in kulanka waxa lagaga wada hadlay ahaa sidii hay’adda Qadar u qaabilsan mucaawimooyinka ee (Qadar Charity) xafiis uga furan lahayd Jamhuuriyadda Somaliland, sila markaana loo xoojin lahaa xidhiidh wada shaqayneed oo dhinaca mucaawimooyinka ah iyo samafalka ah.
Dhinaca kale, wefdga ka socda dalka Qadar, waxa hoggaaminayo Ergayga khaaska ah ee wasaaradda arrimaha dibedda ee dalka Qadar, Dr. Mutlaq bin Majed Al-Qahtan, kaas oo ah Ambassador ku xeel dheer arrimaha diblmaaasiyada iyo dhexdhexaadinta.
. Dr. Mutlaq bin Majed Al-Qahtani ayaa Dowlada Qatar u qaabilsan la dagaalanka Argagixisada iyo dhex dhexaadinta xalinta khilaafaadka. Isagoo ayaa ah Bar-tilmaameedka Qaranka ee Masuuliyadda Ilaalinta siyaasada khaarajiga ee Qadar,
Ambassador Al-Qahtani, wuxuu sidoo kale soo qabtay xilal diblamaasiyadeed oo waaweyn, isagoo  mar ahaa Ku-xigeenka Wakiilka Joogtada ee Qatar Mission ee Qaramada Midooba, wuxuuna kasoo qaybqaatay oo hormood u ahaa xalinta  khilaaf dalal badan oo uu ka ahaa dhexdhexaadiye, taas oo ,2015-kii uu ku muteystay inuu noqdo Safiirka Nabadda oo la gudoonsiiyo abaalmarin Caalami ah,  waxaana la rumaysanyahay in socdaalkiisu la xidhiidho sidii ay Qadar arrinta Somaliland iyo Soomaaliya u dhexgeli lahaayeen, maadaama ay dawladda Federaalka ah iyo midnimada Soomaaliya si weyn Qadar u taageerto.
Sidaa awgeeed socdaalaka xilligan ee wefdiga qadar iyo xafiisyada  ay doonay in ay Qadar ka furato Somaliland ayaa ah arrin dareen badan oo xaasaasiya dhalinaysa, iyadoo aannay caddayn in Madaxtooyadda Somaliland bedeshay mawqifkeedii ku waajahnaa siyaasada dalka Qadar iyo in dawladda Qadar bedeshay siyaasadeedii midnimada Soomaali weyn ee ay sida weyn taageerada ula garab taagnayd xukuumadda Federaalka ee Soomaaliya..
https://youtu.be/hWue51-X1qs
Araweelo News Network.
info@arawelonews.com

About the Author

- #Arraale Mohamoud Jaama, a Freelance Journalist and Human Rights Activist and over 20 year experience as a Career Journalism and human rights activist, as well as a writer and investigation journalism on a wide range of topics related to social issues, human rights, politics, security, economics, democracy, good governance, and events in the region and around the world and Worked for the Somaliland Newspapers, in 2008 established website #Araweelo #News #Network, which based in Somaliland he is a currently runs, #Arraale is a Specializes in the investigation and reporting on issues to human rights, democracy, and good governance. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp