Share this:

" /> Smiley faceSmiley faceSmiley faceSmiley face
Published On: Thu, Feb 13th, 2020

Xukuumadda Somaliland Oo Ka Hadashay Kulankii Madaxweyne Biixi Iyo Farmaajo

Share This
Tags

Hargeysa(ANN)-Xukuumadda Somaliland, ayaa ka daareen celisay safarkii Madaxweynaha Jamhuuriyadda Somaliland, Mudane Muuse Biixi Cabdi, iyo wefdi uu hoggaaminayo kaga soo laabteen shalay Magaalada Caasimada u ah dalka Ethiopia iyo kulamadii Madaxweynuhu la yeeshay Madaxweynaha Dawladda Federaalka ee Soomaaliya iyo Madaxdii ku sugnayd halkaa.

Qoraal saxaafaeed kooban oo kasoo baxay maanta Wasaaradda Arrimaha Dibedda Somaliland, ayaa lagaga hadlay kulamadaa oo aan wax badan laga ogayn, waxaana lagu yidhi, “Madaxweynaha Jamhuuriyadda Somaliland Mudane Muuse Biixi Cabdi oo muddo saddex maalmood ah booqosho rasmi ah ku joogay magaalada Addis Ababa ee dalka Itoobiya ayaa kulamo gaar gaar ah la qaatay qaar ka mid ah Hoggaamiyayaasha Qaaradda Afrika ee ka soo qayb galay kal-fadhiga 33aad ee Ururka Midawga Afrika.”

War-saxaafadeedka oo nuqul ka mid ah soo gaadhay Shebekadda Araweelo News Network, waxa lagu xusay kulanka Madaxweynaha Somaliland iyo Madaxweynaha Somaliland ee Addis Ababa, “Madaxweynaha Jamhuuriyadda Somaliland waxa ay ku kulmeen xafiiska Ra’iisul Wasaaraha Jamhuuriyadda Dimuqraaddiga Federaalka Itoobiya Madaxweynaha Soomaaliya Mudane Maxamed Cabdullaahi Farmaajo.” ayaa ;lagu yidhi, qoraalka kooban ee Wasaaradda Arrimaha Dibedda Somaliland oo aan wax faaf-faahin ah ka bixin natiijada kulankaa iyo waxyaabaha lagaga hadlay.

Wasaaradda Arrimaha Dibedda Somaliland, waxay qoraal saxaafadeedkaa ku xustay in Dawladda Jamhuuriyadda Somaliland, uga mahadnaqayso Dawladda Jamhuuriyada Dimuqraaddiga Federaalka Ethiopia, Gaar ahaan Ra’iisal Wasaaraha Dr. Abiy Ahmed sidii milgaha iyo sharafka badnayd ee loo gu soo dhaweeyey waftiga Madaxweynaha Jamhuuriyadda Somaliland muddadii uu ku sugnaa dalkiisa, ayaa lagu yidhi, Qoraal saxaafadeedkaa oo uu ku saxeexnaa Ahmed Omer Elmi oo ah Agaasimaha Waaxda Xidhiidhka ee Wasaaradda Arrimaha Dibedda Somaliland.

Akhri: Dhawaaqyo Kala Duwan Oo Kasoo Baxay Kulankii Madaxweynayaasha Somaliland Iyo Soomaaliya Ee Ethiopia

Sidoo kale, waxa lagu sheegay in Dawladda Somaliland, si mug leh ugu mahadnaqayso Hogaamiyayaasha Qaaradda Afrika ee ay sheegeen inay kulamo kula yeesheen Madaxweynaha Jamhuuriyadda Somaliland Magaalada Addis Ababa ee Xarunta Midawga Africa, mudadii uu ku sugnaa, walaw aan lagu xusin hoggaamiyayaasha uu la kulmay Madaxweynuhu mudadii uu ku sugnaa Addis Ababa.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

#8Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp