Araweelo News Network

Waxa warbaahinta lagu baahiyey sawir muujinayey Amiir ka soo jeeda qoyska boqortooyada Sucuudiga oo 80 shimbirood oo nooca baaska loo yaqaan ah oo uu leeyahay u iibinaya tigidho diyaaradeed, gaar ahaan qaybta dadka dabaqada sare ah fadhiistaan (First Class tickets).
Shimbirahan ayaa boqorradu inta badan u adeegsadaan in ay kaga ugaadhsadaan Jasiirada Carabta, gaar ahaan shimbiraha iyo xayawaanka kale, waxaana dadka aad uga yaabiyey lacagta uu ka bixiyey in shimbirahan diyaaradda ay ku dawaafaan.
Shirkadda Falcon oo ah shirkad Imaaraadka Carabta laga leeyahay oo fiisayaasha iyo baasaboorada soo saarta waxa kale oo ay ka shaqaysaa in ay ka hortagto in xayawaanka laga ganacsado.
Baasaboorada Falcon (Falcon Passport) waxa soo saara Wasaaradda Degaanka iyo biyaha, waxaanay inta badan shaqeeyaan saddex sanno, qiimaha lagula soo baxaana waa $130, inta badana dadka ganacsatada ah ee xayawaannada noocan ah adeegsada ayaa la soo baxa.
Saraakiisha xuduudaha ayaa inta badan u baahda ansaxnimada baasabooradan caalamiga ah sida ay u eegaan basaboorada kale ee dadka safarka ah wataan, kadibna waxa ay ku dhuftaan shaambada saxnimada ah qofka sitana lalama hadlo. Waxaana ka mid ah dadka sita amiirkan oo aan magaciisa la shaacin, balse sawirkiisa la baahiyey.