Araweelo News Network
Mogadishu(ANN)- Xarakada Al-shabaab, ayaa bilawday weerrarada ay ku ugaadhsanayaan Odayaasha Madax-dhaqameedka soo xulay xubnaha labada Aqal ee Baarlamaanka Soomaaliya dhowaan loo sameeyay.
Weerrar hubeysan oo ka dhacay deegaanka Ceelasha Biyaha ee duleedka Magaalada Muqdisho, ayaa lagu khaarajiyay Oday lagu magcaabo Isaaq oo mid ka mid ah Odayaasha Madax-dhaqameedka ah ee soo xulay Baarlamaanka Dawladda Federaalka Soomaaliya, gaar ahaan Odayaashii soo xulay dhowaan Xubnihii Maamul goboleedka Koonfur galbeed, kasoo galay Baaralamaanka.
Sidoo kale weerrar ka dhacay Degmada Xamar Jajab ee Magaalada Muqdisho, ayaa lagu dhaawacay Oday Cismaan Subeyr oo kamid ahaa Odayaashii dhaqanka ee soo xulay xildhibaanada Baarlamaanka Dawladda Federaalka kasoo galay maamul goboleedka HirShabelle.