Araweelo News Network
Bannabaxan oo lagu qabtay xarunta Baarlamaanka Sweden horteeda. Waxa
ka soo qaybgalay bannaanbaxan lagu taageerayay qadiyadda
madaxbanaanida JSL dhammaan jaalliyadaha kala duwan ee Somaliland ee
ku dhaqan gobollada iyo magaalooyinka dalka Sweden. Waxa la hadlay
warbaahinta Gudida Jaalliyadda Somaliland ee Sweden iyo qaarka mid ah
masuuliyiinta Dallada Isku Xidhka Jaalliyadaha Somaliland ee Europe
(SSE) kuwaasoo dhiirrigeliyay doorka qurbajooggu ka qaadanayo
qadiyadda ictiraaf raadinta Somaliland iyo inay sidan wadaniyadda leh
uga jawaabayaan baaqii uga yimi Wasaaradda Arrimaha Dibadda iyo
xukuumadda Somaliland.
Dhinaca kale, Gudida Jaalliyadaha Somaliland ee Europe (SSE) ayaa u
gudbiyay qoraal rasmi ah oo lagaga codsanayo dawladda Sweden
aqoonsiga Somaliland Wasiirka Arrimaha Dibadda Sweden Margot walström
iyo Gudoomiyaha Arrimaha Dibadda ee Baarlaamnka Sweden Kennet
Forslund. Wasiirka Arrimaha Dibadda & Iskaashiga Caalamiga ah JSL ayaa
sheegtay inay dalabka jaalliyadda Somaliland Sweden horgayn doonto
baarlamaanka dalka Sweden.