Araweelo News Network
Maanta duhurkii ayaa tira madaafiic ah lagu duqeeyay Villa Somalia oo xiligaa oo sida wararku sheegayaan shir uga socday Hoggaanka DF-ka iyo madaxda maamul goboleedyada Somalia ee loogu yeedho guddiga wada tashiga qaranka , kuwaas oo ku hawlan arrimaha.
Dadka deegaanka, ayaa xaqiijiyay in Madaafiic lagu garaacay halkaa xiliga uu ka socday shirku kuwaasi oo ay suuragal tahay inay ka dhasheen khasaare kala duwan , balse lama sheegin khasaaraha ka dhashay, iyadoo warar lagu kalsoonyahay sheegayaan in ugu yaraan 6 madfac ay ku dhaceen madaxtooyada ma jiraan illaa iyo hadda wax faah faahin dheeri ah oo kasoo baxay khasaaraha ka dhashay madaafiicdaasi.
Dhinaca kale war rasmi ah oo kasoo baxay Xarakada Al Shabaab ayay ku sheegatay Mas’uuliyadda weerrarka madaafiicda ah ee lagu qaaday Villa Somalia sida ay baahisay Idaacadda Andalus ee Afka Al-shabaab ku hadasha.
Xukuumadda Somalia, ayaan wax war ah kasoo saarin Madaafiicda lagu garaacay halkaa oo aan la ogayn khasaaraha dhabta ah eek a dhashay.
Al Shabaab waxay ku faantay in dagaalyahanadeedu dharaar cad ay u awood u yeesheen in ay duqeeyaan halka looga arrimiyo dowladda Federaalka, iyadoo weerrarkan uu yimi maalmo kaddib markii dhowaan qarax khasaara badan dhaliyay lagu qaaday Hoteelka SYL ee kaabiga ku haya madaxtooyada dowladda Federaalka.