Hargeysa(ANN)Madaxweynaha Somaliland Axmed Maxamed Maxamuud Siilaanyo, ayaa safar gaaban oo aan hore loo shaacin ugu baxay maanta dhinaca magaalada Xeebta ah ee Berbera,iyadoo aan la ogayn ujeedada dhabta ah ee safarka Madaxweynaha.
Hase yeeshe sida sheegayaan warar la xidhidha safarka Madaxweynaha waxa la filayaa inuu xadhiga ka jaro mashaariic la xidhidha waxyaabo lagu kordhiyay Dekedda Iyo Haammaha shidaalka ee magaalada Berbera.
Socdaalka Madaxweyne Siilaanyo, oo aan la ogayn inta uu qaadan doono, ayaa kusoo beegmay xili muran siyaasadeed oo ka dhashay Heshiiskii Axsaabta Qaranka ee xukuumaddu gadhwadeenka ka ahayd oo khilaafsan go’aanka muddo-kordhinta golaha guurtida muran siyaasadeed ka taagan yahay, iyadoo Heshiiskaa golaha guurtidu fadhi uu maanta ka yeeshay ku tilmaamay mid aan waafaqsanayn Dastuurka iyo qawaaniinta dalka, isla markaana ku tilmaameen mid aan soconayn oo aanay sinaba u aqbalayn.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews.