Araweelo News Network

Lughaya(ANN) Saddex Arday oo ku jiray dugsiga sare oo ku yaal tuul ka tirsan Gobolka Salal, ayaa ku geeriyooday badda magaalada Lughaya oo ay u dabaal tageen.

Saddexda arday oo dhinaganayey dugsi sare oo hoy ah oo magaciisu yahay Geb oo dalxiis u tagay magaalada Lughaya, kadibna waxa liqday badda xeebta oo ay doonayeen inay ku dabbaashaan maalintii Arbacada ee toddobaadkan.

Madaxa Wasaaradda Caafimaadka ee Lughaya Mr. Axmed Cabdi Gededi, ayaa xaqiijiyey geerida ardaydan iyo qorshaha markii hore ay u socdeen, “Waa masiibo dhacday, waxay ahaayeen dad arday ah oo mustaqbalka wax ku kordhin lahaa dalka, waxaanay ka mid ahaayeen ardayda dugsiga sare hoyga ah ee Gob oo ku yaal deegaanka la yidhaa Gob hoose oo ka tirsan degmada Lughayaha, halkaas oo ka soo kicitimeen maqribkii shalay (Arbacadii) oo waxay booqasho dalxiis ugu yimaadeen ardayda magaalada Lughaya, ciyaar kubadda cagtana ay la ciyaari lahaayeen,” ayuu yidhi Mr. Geeddi oo khadka telefoonka ugu warramay telefishanka Bulsho TV xalay.

Waxa kaloo uu sheegay in markii ay maqleen warkan naxdinta leh ay gurmad culus galeen, isla markaana ay markiiba soo qaadeen maydadkii saddexda Marxuum si ay u xaqiijiyaan geeridooda, loona aqoonsado.

Allaah ha naxariistee saddex arday ee dhintay oo dhammaantood wiilal da’adoodu labaataneeyo tahay waxa magacyadooda lagu kala sheegay; Cabdinaasir Talan Cali, Muxiyadii Ibraahim Gaboobe iyo Cabdikariin Xasan Cali.