Araweelo News Network

Ohio(ANN)Saraakiisha dalka Booliska Mareykanka, ayaa ku dhawaaqay in ku dhawaad 10 qof ay ku dhaawacmeen toogashooyin ka dhacday jaamacad ku taal gobolka Ohio ee cariga dalka Maraykank, kadib markii qof hubaysan uu toogasho ka geystay hoolka jaamacadda Ohio.

Taliyaha Booliska gobolka Ohio ayaa warbaahinta u xaqiijiyay in ay toogasho ku dileen ruuxii weerarka geystay, warbaahinta maxalliga ah waxay baahisay in dadka dhaawacmay qaarkood xaaladood caafimaad ay aad u liidato, iyadoo la xaqiiyay ugu yaraan sided qof in dhaawacyo kala duwan soo gadheen.

Cabsi iyo walbahaar ayaa soo waajahay Ardayda iyo macalimiinta jaamacadda Ohio xilligii uu weerarku socday, boqolaal ka tirsan ciidamada Ammaanka Mareykanka, ayaa lagu daad gureeyay goobta weerarku ka dhacay.

Toogashadan ayaa kusoo beegantay xilli taageerayaasha Madaxweynaha Mareykanka ay masaajidda Muslimiinta Gobolka California ku dhajiyeen warqad cunsuriyad iyo naceyb u muujinayay dadka Muslimiinta ah.