Araweelo News Network
Muqdisho(ANN)-Ra’iisal Wasaaraha xukuumadda Federaalka Soomaaliya Mudane Xasan Cali Khayre oo kormeer shaqo ku tagey xarunta Wasaaradda Maaliyadda. ayaa sheegay in xukuumaddu ay sanadkan xoogga saartay isla-xisaabtan iyo daah-furnaan.
Mudane Xasan Cali Khayre waxuu rajo ka muujiyey sanadka soo socda ee 2018 Soomaaliya inay u noqon doonto mid ay ka gudubto musuqmaasuqa ragaadiyey sanooyinka badan, isla markaana la gaadhi doono nidaam ku dhisan isla xisaabtan sharcigu sareeyo.
“Xukuumaddeydu waxay xoogga saareysaa isla xisaabtanka iyo daah-furnaanta, waxaan rajeynayaa sanadkan 2017 in dawladda aan wax deyn ah looga yeelan doonin gudaha dalka”.Ayuu yidhi Ra’iisal Wasaare Khayre.
Ra’iisal Wasaaraha ayaa kula dar-daarmay Wasaaradda Maaliyadda in lasii xoojiyo qorshaha la dagaalanka musuqmaasuqa. Iyadoo ay Kormeerkan Ra’iisal Wasaaraha ku weheliyeen xubno ka tirsan golleyaasha dawladda.
—DHAMMAAD—-
Axmed-nur Maxamed
Xafiiska Warbaahinta iyo xidhiidhka
Muqdisho, Soomaaliya
ahmednur@opm.gov.so
Twitter: @SomaliPM