X
    Categories: Warar

Xukuumadda Soomaaliya Oo Ka Hadashay Qaabka Ay Isticmaalay Lacag Malaayiin Dollar Oo Dawladda Sucuudigu Ugu Deeqday

Araweelo News Network

Somali Prime Minister Hassan Ali Khayre

Muqdisho(ANN)- Ra’iisal Wasaaraha Xukuumada Federaalka Soomaaliya Xasan Cali Khayre, ayaa Boqortooyada Sucuudiga uga mahadceliyey taageero uu sheegay dib u dhiska dalka, gaar ahaan deeq 50ka Milyan oo dollar oo ay soo gaadhsiin ay Dawladda Federaalka Soomaaliya.

Ra’iisal Wasaare Khayre oo arrintaa ka hadlaya ayaa yidhi, “Waxaan si kal iyo laab ah uga mahadcelineynaa Boqortooyada Sacuudiga oo waqtigan baahida loo qabo noogu deeqday 50 milyan oo dollar si loogu adeego shacabka Soomaaliyeed, taasoo muujineysa sida dalka aan wallaalaha nahay ee boqortooyada Sacuudiga ay u daneynayso ka qeybqaadashada dib u dhiska dalkeena.”

“Booqashadii Madaxweynaha Jamhuuriyada Federaalka Soomaaliya Mudane Maxamed Cabdullaahi Maxamed (Farmaajo) uu dhowaan ku tagey boqortooyada Sacuudiga, waxay ahyd mid lagu sii xoojinayey xidhiidhka taariikhiga ah ee labada dal” ayuu yidhi Khayre.

Ra’iisal Wasaaraha Soomaaliya, ayaa sidoo kale sheegay in dawladda Federaalka ay ka go’antahay in deeqdaas loo isticmaalo kordhinta adeega shacabka Soomaaliyeed.

Wuxuu sheegay in deeqdaa oo 50 milyan ah lagu shubayo Khasnada Dawladda ay ku leedahay Bankiga Dhexe, isla markaana loo isticmaali doonaa si ku dhisan daahfurnaan iyo isla xisaabtan oo ay Dowladda Federaalku la wadaagi doonto warbixin hufan oo la xidhiidha qaabka kharashka loo bixiyey.

Ra’iisal Wasaare Khayre ayaa sheegay in deeqdan ay xukuuumadda ka saacidi doonto sii joogteynta bixiinta mushaaraadka ciidanka, raashinkooda iyo mushaaraadka shaqaalaha rayidka ah.

“xidhiidhka walaaltinimo ee qotoda dheer ee Soomaaliya iyo Boqortooyada Sacuudiga waa mid taariikh fog leh, kaalmadaan waqtigan loogu baahi badan-yahay waa mid ka tarjumeysa sida Boqortooyada Sacuudiga ay uga go’antahay garab-istaaga dawladda iyo shacabka Soomaaliyeed. Waxayna sahleysaa in Dawladda Soomaaliya sii labo jibaarto soo celinta amniga iyo nabadeynta dalka.” ayuu yidhi Ra’iisal Wasaare Khayre.

DHAMAAD

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, is a Associated Online Agenciesa platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post