X
    Categories: Qubanaha

Tansaniya: Wasiir Xilka Lagaga Qaaday Maandooriye uu Cabbay

Araweelo News Network

Hargeysa(ANN)Madaxweynaha dalka Tansaniya Mr. John Magufuli, ayaa shaqada ka eryey Wasiirkiisii Daakhiliga oo sakhraamay, baarlamaankuna ku eedeeyeen inuu ceeb ku yahay dawladda, xilkana laga qaado, sida uu sheegay Ra’iisal-wasaare Kassim Majaliwa maalintii Sabtida ee toddobaadkan.
“Madaxweynuhu waxa uu xilka kala noqday Wasiirka Arrimaha Gudaha Charles Kitwanga, kadib markii laga soo gudbiyey warbixin barlamaanku ku sheegeen inuu ku guul-darraystay inuu si fiican uga jawaabo su’aalaha. Wasiirrada iyo saraakiisha dawladdu waa in ay la yimaaddaan sharaf iyo karaamo,” ayuu yidhi Ra’iisal-wasaare Majaliwa oo la hadlayey Wakaaladda Wararka Dawladda ee TBC (Tanzania Broadcasting Corporation) oo Jamhuuriya soo xigtay.
Madaxweynaha Tansaaniya iyo Ra’iisal-wasaarahiisa ayaa intii ay xilka qabteen yareeyey kharashaadka dawladda ee macno-darrada ku bixi jiray, iyagoo xakameeyey dhaqanno xun oo wasiirrada iyo saraakiisha dawladdu ku dhaqmi jireen oo musuqmaasuqu ugu horreeyo, halka uu joojiyey kharashaad ku bixi jiray dabbaaldegga maalinta madaxbannaanida, waxaannu dhawaan amray in la baadho shaqaale badan oo la caaglaysto oo ku jira mushaharka dawladda.

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, is a Associated Online Agenciesa platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post