Somaliland: Madaxweynaha Oo Ka Hadlay Waxyaabaha Horyaal Iyo Waxa Loo Baahanyahay

Hargeysa (ANN)-Madaxweynaha Jamhuuriyadda Somaliland,  Cabdiraxmaan Maxamed Cabdilaahi (Cirro) iyo weftigii uu hoggaaminayay ee safarka shaqo ugu maqnaa dalka Kenya, ayaa maanta dalka dib ugu soo laabtay, waxaana Madaxweynaha iyo weftigiisa Madaarka Cigaal International Airport ku soo dhaweeyey Madaxweyne Ku-xigeenka Jamhuuriyada Somaliland  Maxamed Cali Aw Cabdi, Wasiirro, Taliyeyaasha Ciidamada iyo Masuuliyiin kale.

Sidoo kale, Madaxweynaha iyo wefdigiisa waxa markii ay soo gaadheen Qasriga Madaxtooyada ku soo dhaweeyey, Shirguddoonka labada Aqal, Xildhibaanno, xubno kamid ah Gollaha Wasiirrada, Madax-dhaqameed, Ganacsato, haween iyo mudan kale.

Madaxweynaha Jamhuuriyadda Somaliland, Cabdiraxmaan Maxamed Cabdilaahi

(Cirro), ayaa ka hadlay guullaha safarkiisa iyo waxybaanaha looga baahanyahay bulshada, isagoo tilmaamay in shaqooyin baddan u yaaliin Somaliland, isla markaana ay lagama maarmaan tahay in loo midoobo hawlaha baddan ee sugaya qaranka, taas oo uu sheegay innay tahay sida keliya ee lagu gaadhi karo aqoonsiga ay Somaliland doonaysay 34-kii sanadood ee u danbeeyay.

Madaxweyne Cirro, wuxuu  hoosta ka xarriiqay in safarkii Nairobi oo ay marti ugu ahaayeen Madaxweynaha dalka Kenya, William Ruto, laga soo hooyey guul weyn oo Taariikhi ah, taas oo kor u qaadday meeqaamkii Somaliland, isla markaana ay heleen saaxad ay dunida inteeda kale ugu soo bandhigaan horumarka, Dawladnimada iyo Dimuqraaddiyadda ka hana qaadday Somaliland.

Madaxweynaha ayaa sidoo kale, ka hadlay arrimaha doorashooyinka iyo mudda
xileedkiisa la doortay, isagoo tilmaamay in aannu diyaar u ahayn wax aan ahayn doorashada uu ku yimi kursiga.

“Wax baddan ayaynu ka qabanay guddaha, laakiin waxa ka baddan hawsha inoo taal, waxaynu kaga gudbi karaa inaynu u midawno qadiyadeena si aynu inagoo midaysan u raadino aqoonsiga.” ayuu yidhi, Madaxweyne Cirro.

Madaxweynaha oo ka hadlay safarkiisa, wuxuu sheegay in ujeedada ay isaga wediga uu hoggaamiyanayaa safarkaa Kenya ay ka lahaayeen suurtagalay , muadadii ay ku sugnaayeen, wuxuu tilmaamay in hawlaha ugu waaweyn ee ay qabteen ay ahayd in Nairobi laga furo xafiiska Somaliland.

Mar uu ka hadlayay madaxdii ay la kulmeen wuxuu soo qaatay kulanka dhexmaray Madaxweynaha Kenya William Ruto oo ay ka wada hadleen arrimo baddan, “Kulanka Madaxweynaha Kenya William Ruto,  wixii aanu ka wada hadalay waanu isku afgaranay.” ayuu yidhi. Madaxweynaha Jamhuuriyadda Somaliland ka warbixiyay safarkiisa markii uu maanta kusoo laabtay dalka.

Waxa ugu mudnaa hay’addaha kale ee dalka Kenya ee aanu la kulanay Baarlamaanka Kenya labada aqal, isagoo si gaar ah Madaxweynuhu u xusay kulanka Nairobi ku dhexmaray beesha caalamka, wuxuuna tilmaamay in waxyaabaha sida weyn dunidu ugu soo joogsanay ay ugu danbeeyeen doorashooyiinkii Nov 2024, iyo weliba tallaabooyinka dhanka amniga ee ay xukuumaddiisu qaaday sida heshiiskii ceel-afweyn iyo in hubka laga dhigo ciidamadii mediga ahaa iyo weliba tirakoobkii ciidamada qaranka oo dunidu wax weyn u aragto in xukuumadda Somaliland wax baddan qabatay oo sumcad ay kaga kasbatay beesha caalamka.

Dhinaca kale, Madaxweynaha Jamhuuriyadda Somaliland, Cabdiraxmaan Maxamed Cabdullaahi (Cirro)), wuxuu sheegay in loo baahanyahay in laga wada shaqeeyo aqoonsiga Somaliland, wuxuuna xusay innay booqashadiisa dalalka gobolka uu hore u booqday Djibouti iyo safarkiisa ugu danbeeyay ee Kenya, balse ay qorshaha ugu jirto inuu booqdo Ethiopia oo ah wadan sida uu sheegay Somaliland u leh ahmiyad weyn.

“Guddaha waxaynu ka qabanay wax yar, waxa inoo dhiman wax baddan, waxa inaga dhiman waxaynu ku qaban karaa midnimada iyo nabada, Somaliland waxay ku iibsamaysaa labadaa, shacbiga waxan uga mahad naqayaa innaynu dalka nabad kusoo celinay inagoo gamcaha is haysana, ictiraafkana insha Allah inagoo gamcaha is haysana ayuu imanayaa. laakiin xukuumaddu keligeed kuma filna ee qof walba oo muwaadin ah waa inuu ka hawlgalaa Ictiraafka Somaliland, ayuu yidhi, Madaxweynaha Somaliland, wuxuuna isagoo ka hadlaya mudda-xileedka dastuuriga ah ee la doortay,  yidhi, “shacbigayga waan uga mahad celinayaa inay Madaxweyne ii doortaan, waxaanse u sheegayaa waxa i doorateen shan sanadood ee maalin laygu dari maayo.”