#Araweelo_News_Network.
Dhinaca Maraakiibta Badda, waxay shilalkanishilalkani xusuusinayaan xilli wax yar ka hor toban sanno ka ay budhcad-badeedda Soomaalidu halis gelisay maraakiibta isaga gudba badweynta Hindiya. Xilligaas, dhacdooyinka waxaa ka mid ahaa qabashada markabka weyn ee saliidda Sirius Star iyo markabkii kontaynarrada ee Maersk Alabama. Waxa ay horseedeen wax loo arkayey in uu ahaa mid muran dhaliyey oo ilaalo hubaysan la saaray maraakiibta ganacsiga ee doonaya innay ka gudbaan halkaa
Hase yeeshee Falanqeeyayaasha ayaa sheegaya in dib-u-soo-noqoshada ugu dambeysay aannay u badnayn innay calaamad u tahay soo noqnoqoshada baaxadda leh ee waagaas, qayb ahaan sababtoo ah tignoolajiyada casriga ah ee xiligan casriga ah iyo xaqiiqda isticmaalka ilaalada hubaysan ayaa hadda aad u baddan. Laakin inta ay leeg tahay dib u soo kabashada wax kasta waxay ku xdhnaan doontaa sida ay ugu guulaysteen budhcad-badeeddu innay dib u soo nooleeyaan hab-dhaqankoodii hore ee ahaa afduubka maraakiibta, si ay dib ugu celiyaan Soomaaliya, oo ay sugaan madaxfurasho, mararka qaarkoodna ay arrintu gaadho in malaayiin dollar la bixiyo.
“Haddii aad bahalka ku quudiso lacag caddaan ah, markaa way sii socon doontaa,” John Thompson, oo ah aasaasaha shirkadda sirta ee Ambrey, ayaa ku yidhi podcast ee shirkadda caymiska NorthStandard.
Toddobaadkan , Hawlgalka Ganacsiga Baddaha ee UK, oo ah isku xidhka ciidamada Badda ee Ingiriiska iyo maraakiibta ganacsiga, ayaa ka digay innay jiraan laba kooxood, kuwaas oo loogu yeedho Budhcad-Baddeed, isla markaana ka howlgala Badweynta Hindiya. taasi ayaa timi kafdib markii ilaalo la socotay markab xamuul ah ay rasaas ku isweydaarsadeen dooni yar oo qiyaastii 700 mayl koonfur bari ka xigta dalka Cumaan dhamaadki toddobaadka, iyadoo xilligaa ka fog halka ay ka dhacayeen weerarada Xuutiyiinta.
Agaasimaha hay’adda Badaha Soomaaliya ayaa bishii hore sheegay in uu aaminsan yahay in hanti baddan oo dhanka Badda ah ay diiradda saarayaan biyaha ay Xuuthiyiinta soo weerareen oo u badan boqolaal mayl. joojinta dhacdooyinkaas waa muhiim haddii balaayiin doollar oo ganacsi ah la doonayo in la sii wado isticmaalka kanaalka Suweys ee Masar.
Beryihii hore, budhcad-badeeddu waxay qabsan lahaayeen hal markab oo aad u weyn, oo loo yaqaan markab hooyo, kaas oo laga soo abaabulo weerarada.
“Afduubkii Ruen, fuulista markabka bishii Jan 2024, iyo afduubka la sheegay ee maraakiibta kalluumaysiga ee sida caadiga ah loo isticmaali jiray maraakiibta hooyada waa walaac,” ayuu yidhi Cyrus Modi, oo ah Agaasimaha Xafiiska Caalamiga ah ee Baddaha, isagoo intaa ku daray in maraakiibta gobolku waa inuu u hoggaansamaan talooyinka Shirkaddaha si loo joojiyo weerarradaas.
Hawlgalka ka hortagga budhcad-Badeedda ee ciidamada Badda ee Midowga Yurub ee aaggaas waxaa lagu magacaabaa Operation Atalanta. EUNavfor, sida la og yahay, waxay qiratay innay kordheen shilalka tan iyo bishii November sannadki hore.
Waxa ay sheegtay in “wax hanti ah oo ka timi Atalanta aan loo weecin meelaha ka baxsan aagga howlgallada”.
si kastaba ha ahaatee, saddex markab oo ay sheegtay innay taageero siiyaan Hawlgalka Atalanta, mid ka mid ah Alsace, ayaa u gurmaday Booyad ay Xuuthiyiintu weerareen halka mid kale oo Languedoc ah, uu ku soo riday Diyaarad Drone ah oo Xuutiyiin ah gudaha Badda Cas. sida ku cad qoraalada X ee mullateriga Faransiiska iyo MaraykankaTaliska dhexe.EUNavfor waxa ay sheegtay in ay aad caadi u ahayd in maraakiibta noocaan ah ay taageeraan hawlgalada kale.
Inkasta oo ay jirto khatarta soo noqnoqota, horumarinta tignoolajiyadu waxay sidoo kale fududaynaysaa in laga fogaado dhacdooyinkan oo kale, sida uu sheegay Thompson. Wuxuu sheegay in Ambrey uu kula taliyay ku dhawaad 20 markab innay baddalaan koorsadooda si ay uga fogaadaan maraakiibta la sheegay in ay budhcad badeed yihiin. Mawjadihii hore, ma jirin tignoolajiyada taas lagu sameeyo, ayuu yidhi.
Weerarada budhcad-badeedda ah ee ka dhaca xeebaha Soomaaliya ayaa sannadkii 2009 ilaa 2011 gaadhay ilaa 200 oo dhacdo, sida ay sheegtay EUNavfor. Iyada oo in ka baddan hal bil ay tagtay 2024, waxaa hore u jiray saddex, bandhiga xogta, ayaa lagu yidhi warbixinta.
Sidoo kale, waxa lagu xusay innay jirto xidhiidh juquraafi ah oo u dhexeeya budhcad-badeedda Soomaalida iyo Yemen, sida uu sheegay Hans Tino Hansen, oo ah madaxa fulinta ee Hay’adda Risk Intelligence A/S ee Denmark.
Qaar baddan oo ka mid ah kooxaha budhcad-badeedda ayaa ku lug lahaa tahriibinta, oo leh wadooyin ay ku jirto Yemen, ayuu ku sheegay warbixinta mareegta webinar ee ay leedahay kooxda ganacsiga ee BIMCO.
“Waxay samayn karaan hawlgallada budhcad-badeednimada haddii ay u baahdaan ama haddii lacag la siiyo si ay sidaas u sameeyaan, ama haddii ay arkaan khatarta ah in abaal-marintu ay noqoto mid ku habboon hawlahooda kale,” ayuu yidhi. “Uma maleynayo inay door weyn ka ciyaari doonto iskahorimaadkan, dhab ahaantii waa mid aad u yar, laakiin waxay noqon kartaa in qaar loo shaqaalaysiiyo innay wax qabtaan.”ayuu yidhi.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv
Written by Arraale M. Jama, a freelance journalist and human rights activist.
info@araweelonews.com
