<
Siyaasadda Maraykanka Ee Murrugsan Trump Iyo Biden
#Araweelo_News_Network.
Washington (ANN) – Hoggaamiyaha Aqlabiyadda Senatarka Mitch McConnell ayaa galay xaallad argagax leh, kaddib markii uu si lama filaan ah uga baxay shirkiisii jaraa’id Arbacadii, isagoo mar keliya joojiyay hadalkii uu doonayay innuu jeediyo.
Senatarka Mitch McConnell ee Jamhuuriga ayaa u soo dhawaaday goobta warbaahintu ku sugaysay ee loo diyaariyay inuu ka jeediyo shirkiisii jaraa’id ee toddobaadlaha ahaa wuxuuna bilaabay inuu ka hadlo sharciga difaaca sannadlaha ah, kaas oo ah mid khilaaf weyn ka taagan yahay, balse uu sheegay inuu ku socdo “iskaashi laba geesood ah oo wanaagsan”. Laakiin waxaa mar keiya is beddelay wejigiisa, isagoo u muuqday inuu lumiyay dareenkii fekerka, isla markaana hadalkii goostay oo kasoo bixi waayay.
McConnell ayaa u muuqday inuu fadhiistay oo uu meel banaan dheegayay muddo 20 ilbiriqsi ah ka hor inta aanu saaxiibadiisii xisbiga Jamhuuriga ka tirsana oo gadaashiisa taagnaa oo aanay wejigiisa arki karin ayaa suxullada qabsaday oo waydiiyey in uu doonayo in uu dib ugu laabto xafiiskiisii.
Kaddib waxa uu u muuqday in uu haab-haabtay si uu fursad ugu helo inuu helo meel uu fadhiisto, taas oo qaadatay qadar muddo 20 ilbidhiqsi ah ka hor inta aanu asxaabtiisa hoggaaminta Jamhuuriga oo dhabarkiisa iyo baallihiisa taagnaa oo aan wajigiisa arki karayn ay xusulka qabteen oo ay waydiiyeen in uu doonayo in uu dib ugu laabto xafiiskiisa.
Umuu jawaabin, balse si tartiib ah ayuu xafiiskiisa ugu soo laabtay, iyadoo ay taageerayaan kaaliye iyo Wyoming Sen. McConnell ayaa markii dambe kusoo noqday shirkii jaraa’id ee laga sugayay, isagoo ka jawaabay su’aalo ay saxaafaddu weydiisay.
Mar wax la weydiiyay waxa dhacay, McConnell waxa uu sheegay in uu “wanaagsan yahay.” Laakiin muu bixin faah-faahin ku saabsan waxa dhacay, taas oo su’aalo kale dhalisay.
McConnell, oo 81 jir ah, waa hoggaamiyaha Jamhuuriga, waa saaxiibada ugu dhaw Trump oo doonaya inuu tartamo doorashada 2024, waana siyaasi ay si weyn u ixtiraamaan Jamhuurigu,laakiin xaalladda soo foodsaartay ayaa ah mid argagax weyn leh.
Lix toddobaad ayuu ka maqnaa Aqalka Senateka horaantii sannadkan kaddib markii uu dhacay oo uu maddaxa ku dhuftay meel, laakiin Xafiiskiisa ayaa markii dambe sheegay in ay jirto jug kasoo gaadhay oo uu feedhaha ka jabay.
Mushkiladan ayaa kusoo beegantay, iyadoo si weyn labada Xisbi ee Jamhuuriga iyo Dumuqraadigu isugu maandhaafeen dhawr arrimood oo siyaasadda dalka sii cakirtay tan iyo doorashadii lagaga adkaaday Trump ee Biden ku guulaystay, balse Trump ayaa u muuqda mid weli dacalka haysta siyaasadda oo doonayo inuu tartamo, iyadoo Dumuqraadugu weli quudaraynayaan inay ku xakameeyaan sharci ka reebaya doorashada, balse Jamhuuriga ayaa dhankooda wada qorshe dacwad (impeachment) oo xilka lagaga qaadayo Biden.
Afhayeenka Aqalka Kevin McCarthy ayaa sheegay in sharci-dajiyayaasha Jamhuuriga laga yaabo inay tixgeliyaan baadhitaanka xil ka qaadista ee Madaxweyne Joe Biden, taas oo ku saabsan sheegashada aan la hubin ee dhaqan-xumada maaliyadeed, isaga oo ka jawaabaya cadaadis weyn oo GOP ah oo muujinaya taageerada Donald Trump kahor doorashada madaxtinimada ee 2024.
Hadalladii Talaadadii ee Capitol, McCarthy wuxuu sheegay in su’aalaha Aqalka Jamhuuriga ay ka dhalinayaan dhaqaallaha qoyska Biden loo baahan yahay in la baadho. Ilaa hadda, wuxuu qiray, baadhitaannada Golluhu ma caddayn wax khalad ah, laakiin baadhitaanka xilka qaadista “waxay u oggolaanaysaa Congress-ka inuu helo macluumaadka si uu u awoodo inuu ogaado runta.”ayuu yidhi, McCarthy.
McConnell waxa uu ahaa hoggaamiyaha Shirweynaha Jamhuuriga ee Senate-ka tan iyo 2007 iyo Hoggaamiyaha laga tirada baddan yahay ee Senate-ka ilaa 2021, isagoo hore usoo qabtay jagadaas 2007 ilaa 2015. Waxa uu ahaa Hoggaamiyaha Aqlabiyadda Senetka 2015 ilaa 2021.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com
