Telesom Dahabshiil
Published On: Thu, Dec 24th, 2020

Xiisadda Gil-gishay Deganaanshaha Muqdisho Ee Ka Taagan Shaacinta Jadwalka Doorashada Soomaaliya

Araweelo News Network.

@Xiisadda Gil-gishay Deganaanshaha#Muqdisho Ee Ka Taagan Shaacinta Jadwalka Doorashada Soomaaliya

Muqdisho(ANN)-Xiisad kulul oo gil-gishay xasiloonida magaalada, ayaa ka taagan magaalada Muqdisho, taas oo ka dhalatay kadib markii guddiga doorashada Soomaaliya ee lagu muransanyahay ay shaaciyeen saacadihii lasoo dhaafay jadwalka doorashooyinka heer Federaal.

Kooxda la baxday golaha Midowga Murrashaxiinta, ayaa durbadiiba cambaareeyey go’aanka lagu shaaciyay jadwalka doorashada ee ay soo saareen guddiga doorashada Soomaaliya.

Arrintaa ayaa sababtay in Ciidamada ilaalada u ah Midowga Murrashaxiinta Soomaaliya ay la wareegeen agagaarka Hotelka Afriik ee magaalada Muqdisho iyo amnigiisa, halkaasi.

Ciidamada oo sugayey ammaanka Murrashaxiinta, ayaa xidhay wadada Maka Al-Mukarama, waxaana ay isku gadaameen isgoyska KM4, halkaas oo gaadiid dagaal oo ay wateen la dhigay wadada muhiimka ah ee u baxda garoonka diyaaraddaha, waxayna u diideen dadka iyo gaadiidka inay isticmaalaan wadooyinka soo gala Hotelka.

“Diiwaan gelinta tartamayaasha doorashada Aqalka Sare,  waxay billaabanaysa 26-ka December 2020, halka laga sugayo madaxweynayaasha dowlad goboleedyada in liiska murashixiinta ay soo saaraan 29-ka December 2020, waxaana doorashada kuraasta golaha Aqalka Sare lagu soo dhammeystirayaa inta u dhaxaysa 31-ka December 2020 ilaa 6-da January 2021.”, sidaa waxa lagu yidhi, qoraalka guddigu ku shaaciyay jedwalka doorashada ee muranka iyo xiisadda abuuray.

Sidoo kale, waxay sheegeen  in 7-da January 2021,  la guda galayo diiwaan gelinta, xaqiijinta iyo tababarista xubnaha odayaasha dhaqanka iyo bulshada rayidka ah ee ka qeybgalaya xulista ergooyinka doorashada.

Hase yeeshee Midowga Murrashaxiinta Soomaaliya, oo durabdiiba jawaab diidmo ah ka bixiyay, ayaa kasoo horjeestay jadwalkan doorashada.

Waxayna qoraal ay ku muujinayaan sida aannay u aqbalayn oo ay xalay kasoo saareen Muqdisho ku yidhaahdeen “Goluhu wuxuu tallaabadan u arkaa billowgii boobka Doorashada heer qaran taas oo uu madaxweynuhu ugu badheedhayo xasarad siyaasadeed oo lagu bur-burinayo nidaamka dumuqraadiaga ah ee Udub dhaxaadka u ah xasilooni siyaasadeed oo Soomaaliya ka hirgasha,” ayaa lagu yidhi war-saxaafadeedka xalay.

“Goluhu wuxuu uga digayaa madaxda Dowlad Goboleedyada in ay ka sameeyaan kacdoon qabashada doorashooyinka aan la isku raacsanayn oo ka buuraya ama sababaya deegaamada ay maamulaan inay ka dhalato xaalad amni-daro” ayay ku yidhaahdeen qoraalka midawga Murrashaxiintu.

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp