TelesomDahabshiil
Published On: Sun, Dec 29th, 2019

Diyaarad Millateri Oo Turkigu Leeyahay Oo Maydad Iyo Dhaawac Ka Qaaday Muqdisho

Muqdisho(ANN)- Garoonka magaalada Muqdisho, waxa maanta soo caga-dhigatay Diyaarad millatari oo ay leedahay dowladda Turkigmay a, waxaana lagu daabulay dadkii ku dhaawacmay qaraxii shalay ka dhacay Isgoyska Ex-Control Afgooye ee galbeedka magaalada Muqdisho.
Diyaaradda, ayaa halkaa ka qaadday 16 qof oo ka mid ah dadkii dhaawacyada halista ah kasoo gaadheen qaraxa, kuwii ugu cuslaa ee ku dhaawacmay qaraxii masiibada ahaa ee shalay.

Diyaaradda lagu qaaday dadka dhaawacyada culus ee aan xaaladooda waxba lagaga qaban karin, kuwaas inta ay diyaraaradu kusii jeedo dalka Turkiga ay caawinayaan dhakhaatiir Turkish ah oo la socda diyaaradda
Dhinaca kale, Madaxweynaha Dawladda Federaalka ee Soomaaliya Maxamed Cabdullaahi Farmaajo iyo masuuliyiin kale, ayaa garoonka diyaaraddaha ee Aadan Cadde ku sugnaa markii dadka dhawaac ah laga qaadayay halkaa, wuxuuna Madaxweyne Farmaajo dowladda Turkiga uga mahad celiyey gurmadka caafimaad ee ay u fidisay muwaadiniinta Soomaaliyeed ee ay waxyeeladu ka soo gaadhay weerarkii shalay.

Qaraxii shalay aroortii ka dhacay Isgoyska Ex-Control Afgooye ee galbeedka magaalada Muqdisho, waxa ku dhintay ugu yaraan 80 qof oo u badan Arday ku socotay Jaamacaddo iyo Iskuulo iyo dad kale oo shacab ah oo aan waxba galabsan, sidoo kale waxa ku dhintay saraakiil u dhashay dalka Turkiga, waxaana ku dhaawacmay 125 oo isugu jira dhaawacyo culus iyo kuwa dhaawacyadoodu fudud yihiin.

Diyaaradda qaaday dadka dhaawacyada halista ah kasoo gaadheen qaraxaa ee Soomalida ah, ayaa sidoo kale la saaray Maydadka laba injineer oo u dhashay dalka Turkiga oo ku dhintay qaraxaa shalay. kuwaas ka shaqeynayay dayactirka wadada isku xidha Muqdisho iyo Afgooye.

Qaraxii shalay ee Isgoyska Ex-Control Afgooye, ayaa lagu tilmaamay inuu ka mid ahaa kuwii ugu khasaaraha badnaa ee Soomaaliya ka dhaca, mana jirto ilaa hadda cid sheegatay mas’uuliyadda qaraxaa, laakin dowladda Soomaaliya ayaa ku eedeeyay kooxda Al Shabaab ee dagaalka kula jirta Dawladda Soomaaliya iyo Ciidamadda AMISOM ee ku sugan Soomaaliya, waxayna Al-shaabab qaraxyo, weerraro iyo dilal qorshaysan, balse Al-shabaab ma sheegan qaraxa ugu danbeeyay ee khasaaraha dhimashada iyo dhaawaca sababay, sidoo kale Al-shaabab kama jawaabin eedaynta ay xukuumadda Federaalka ee Soomaaliya kula xidhiidhisay Qaraxaa.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp