TelesomDahabshiil
Published On: Mon, Feb 1st, 2021

Guddoomiyaha Xisbiga UCID, Oo Ka Hadlay Geerida General Galaal Farriina U Diray Bulshada Soomaaliyeed

Araweelo News Network.

“Geerida General Galaal, waa mid murrugo ah, wuxuu ahaa Geesi Soomaaliyeed” Eng. Faysal Cali Waraabe.

Hargeysa(ANN)- Guddoomiyaha Xisbiga Muraadka Somaliland ee UCID, Eng. Faysal Cali Waraabe, ayaa ka hadlay qaraxa iyo weerarka shalay kooxda Al-shabaab ku fuliyeen Huteelka Africa ee Magaalada Muqdisho.

Weerarka Al-shaabab ku qaaday huteelka oo laga horaysiiyay qarax, ayaa sababay khasaare dhimasho iyo dhaawac ah, isla markaana geystay bur-bur weyn, waxaana ku naf waayay General Maxamed Nuur Galaal iyo dhawr iyo labaatan qof oo kale.

Eng. Faysal Cali Waraabe oo maanta warbaahinta qaarkeed kula hadlay magaalada Hargeysa, ayaa ku tilmaamay geerida General Galaal mid murrugo ah, isagoo ku sifeeyay halyey weyn oo ka baxay ummada Soomaaliyeed.

Guddoomiyaha UCID, wuxuu sheegay in Marxuum General Galaal door weyn ku lahaa dhismaha ciiddankii qaranka Soomaaliya, wuxuuna si gaar ah ugu xusay kaalintii uu ku lahaa dagaalkii dhexmaray Soomaaliya iyo Ethiopia.

“Maanta waa maalin murrugo ah, waxaan ka tacsiyaynayaa shacbiga Soomaaliyeed, gaar ahaan shacbiga Muqdisho dilka General Galaal oo ka mid ahaa raggaii cagaha u taagay Millaterigii Dawladdii Somali Republic, Gen. Galaal, wuxuu ahaa geesi,, dagaalkii 1977, wuxuu watay ciiddankii Kaarraa-mardha galay, wuxuu ahaa midhadhkii ku hadhsanaa Soomaaliya ee hayay taariikhda Soomaaliya , Somaliland iyo geeska Afrika ee xog-ogaalka ahaa”.

Guddoomiyaha Xisbiga UCID, Eng. Faysal Cali Waraabe ayaa ugu baaqay bulshada Soomaalida inay toosaan oo talladooda gacanta ku qabsadaan, isagoo usoo jeediyay in ay wixii ka dhinma Soomaalida kale weydiiyaan.

“Maanta talladiina waxa gacanta ku haya Turki, Maraykan, Ethiopia iyo dad kale, Farmaajona waxba idiinma hayo ee toosa oo tallada gacantiina ku qabsada.” sidaa waxa yidhi, Eng. Faysal oo farriin guubaabo ah u diray shacbiga Soomalida, gaar ahaan dadka reer Muqdisho.

About the Author

- #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>