Share this:

" /> Smiley faceSmiley faceSmiley faceSmiley face
Published On: Sat, Oct 19th, 2019

Marwo Hinda Gaandi Oo Deeq Lagu Diirsaday Ku Wareejisay Xarunta Dhimmirka Ee SAHAN

Share This
Tags

Hargeysa(ANN)-Wasiirka Wasaaradda Shaqo-gelinta, arrimaha bulshada iyo Qoyska Marwo Hinda Xirsi Gaani, ayaa ku wareejisay xarnta dhimirka ee Hargeysa deeq.

Munaasibad loo qabtay wareejinta deeqdan oo ka dhacday xarunta sahan ee galbeedka Magaalada Hargeysa, ayaa waxa ka qaybgalay Wasiirro ka socda xukuumadda, Maamulka xarunta Sahan, waxgarad, waalidiinta Ardayda dhamaysatay waxbarashada ee qalabka lagu wareejiyey iyo marti-sharaf kale.

Marwo Hidna Gaandi oo hadal ka jeedisay Munaasibada deeqdaa ay ku wareejisay maamulka SAHAN, waxay tidhi, “runtii waxaanu agaasinka iyo maamulka Sahan heshiis ku nahay qofkii u baahan in wax u qabto in aanu xaruntan keeno, aadbaan ugaga mahad celinayaa maamulka iyo aasaaseyaashaba, tanina waa mid kamida shaqadii aanu qaranka u haynay”ayey tidhi Wasiir Gaani oo ku wareejisay maamulka xaruntan qalab dhamaystiran oo ay ku shaqo tegayaan 13 Arday oo ka baxay dufcadii 10aad ee dugsigan oo bartay farsamada gacanta.

Ardayda ayaa la guddoonsiiyey agab isugu jira Dawaarka dharka lagu tollo, Kabo iyo qalab kale oo daruuri u ah shaqada, waxa kale ooo deeqdaasi ka mid ahaa xoollo nool oo adhi ah, waxaana dhamaan agabkan iyo xoollahaba ku caawisay Wasaaradda shaqo-gelinta iyo arrimaha bulshada oo ka jawaabaysa balanqaad ay u fidisay xarunta sahan.

Sidoo kale, waxa khudbado ka jeediyeen halkaa xubno kamida madaxda dawladda, maamulka dugsigan iyo marti-sharaf, waxayna dhammaantood amaaneen deeqda ay u gudoonsiisay Wasiirada Hinda Gaandi ee xarunta Sahan oo ay sheegeen inay tahay Sahan xarun buuxisay kaalin wax ku ool ah oo bulsho, loona baahan yahay in la garab istaago Dawlad iyo Shacab.

Xarunta sahan waxa la aasaasay wakhti toban sanno ka soo wareegtay, waxaana lagu bilaabay dhismeyaal kooban, haddase waxa ay degentahay Kaambool weyn oo ay ka dhisan yihiin dhismeyaal bilicsan, sida uu sheegay agaasimaha xaruntan Kayse Xasan Cumar oo ka hadlayey xaflada ay kula wareegeen Kaalmada ka soo gaadhay Dawladda.

Geesta kale, Maamuleyaasha Xaruntan, ayaa sheegay in lagu soo kordhiyey qaybo kale oo la xidhiidha barashada Diinta iyo duruusta maadiga ah, taasoo lagu xoojinayo xirfadaha aqooneed ee la baro dadka lagu hayo xarunta oo ah kuwa ay asiibaan xannuunnada dhimirku, isla markaana halkan loogu fidiyo Dabiib, daryeel, dhaqan-celin iyo waxbarasho.

Dhanka kale, Bashiir Maxamed Jaamac oo ah Maamulaha guud ee Cisbitaalka Sahan ayaa uga mahad-celiyey Wasaaradda shaqo-gelinta agabka iyo Xoollaha nool ee ay ku wareejisay, waxaanu sheegay in talaabo wanaagsan oo dhiirigelin ah ay u tahay maamulka iyo taageerayaasha xarunta, isagoo aamaanay Wasiir Hinda Gaani oo uu sheegay in ay wax weyn ku taageertay, isla marakana ay caawimada ay soo gaadhsiisay si weyn ugu diirsadeen maamul ahaan iyo dadkii la siiyay iyo waalidkooduba.

Sanad walba tobanaan Qof oo dib ugu soo laabtay xayndaabka nololsha caadiga ah, xuskooduna taam noqday ayaa ka soo baxa xarunta sahan, waxaana hadalka Wasiirka Shaqo-gelinta iyo Arrimaha bulshada ee ku wajahan xaruntani iftiiminayaa in ay wasaarad ahaan u aqoonsadeen mustawaha ay mudan tahay in lagu qiimeeyo ah  in ay noqoto xarun Qaran oo shacabka iyo dawladduba gacan ka geystaan sidii loo sii horumarin lahaa, iyadoo ay howshanina ku soo beegantay dhamadka todobaad uu somaliland ka socday Ololle ku saabsan xanuunka Dhimirka.

Olollahasi oo bilaabmay 10-kii bishan Oktoobar oo ku beegnayd xuska maalinta caalamiga ah ee xannuunka Dhimirka oo Magaalada Hargeysa lagu qabtay munaasibad balaadhan oo lagaga hadlayey sidii loo yarayn lahaa xannuunka dhimirka, loona ilaalin lahaa xuquuqda dadka uu asiibay xannuunkaasi ee daryeelka u baahan.

Muuqaalka Munaasibadaa Halkan ka Daawo

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp