Araweelo News Network
President Farmajo wore a military uniform photo file
Muqdisho(ANN)-Madaxweynaha Jamhuuriyadda Federaalka ah ee Soomaaliya Maxamed Cabdullaahi Farmaajo, ayaa ka wajiga labaad ee shirka u dhaxeeya Madaxda Dowladda dhexe iyo kuwa Maamul Goboleedyada shir gudoomiyay.
Shirkaa oo ay ka qeyb gelayaan Madaxda Dowladda dhexe iyo Dowlad Goboleedyada waxaa lagaga hadlay xoojinta wada shaqeynta iyo xalinta arrimaha taagan ee labada dhinac, dardar gelinta Nabadgelyada iyo waxa loogu yeedhay cidhibtirka Argagixisada, Horumarinta hanaanka Federaaleynta dalka, Geedi socodka Doorashada hal qof iyo hal cod ah ee 2020 iyo arrimo kale.
Warar ku dhow dhow Madaxtooyada Soomaaliya ayaa sheegy in Ra’iisal Wasaaraha Soomaaliya, u sheegay Madaxda in maanta ay si gaar ah uga doodi doonaan arrimaha amniga, kadib markii ururka Al-shabaab maalmihii danbeeyY ay magaalada Muqdisho ka geysanayeen falal lidi ku ah amniga.
Gaba gabada shirkan ayaa la filayaa in la soo saaro war murtiyeed ay ku cad yihiin waxyaabaha ay ka wada hadleen Madaxda Dowladda dhexe iyo maamul Goboleedyada ee ka qeyb gelaya shirkan.
Shirkan ayaa waxaa ka qeybgalay Madaxweynaha Soomaaliya, Ra’iisal Wasaaraha Xukuumadda Federaalka Soomaaliya Xasan Cali Khayre, Madaxweynaha Puntland Cabdi Wali Maxamed Cali Gaas, Madaxweynaha Galmudug Axmed Ducaale Geelle Xaaf, Madaxweynaha Jubbaland Axmed Maxamed Islaam, Madaxweynaha Koonfur Galbeed Shariif Xasan Sheekh Aadam, Madaxweynaha Hirshabelle Maxaned Cabdi Waare iyo Guddoomiyaha Gobolka Benaadir Taabit Cabdi Maxamed.
