Share this:

" />
Telesom Dahabshiil
Published On: Thu, Jun 18th, 2020

Qosolkii Madaxweyne Biixi Iyo Taashka Loo Xidhay Guddoomiye Saleebaan

Warbixin: By. Carraale M Jaamac Freelance Journalist and Human Rights Activist.

Hargeysa(ANN)-Madaxweynaha Somaliland Muuse Biixi Cabdi iyo Wefdigii uu hoggaaminayay oo dalka kusoo laabtay maanta, ayaa si weyn loogu soo dhoweeyay Magaalada Hargeysa, kadib markii ay kasoo laabteen dalka Djibouti oo ay kaga qaybgaleen wada hadaladii ay halkaa ku yeesheen Somaliland,

Madaxweyne Biixi iyo xubnaha wefdiga ee la socday, ayaa si xamaasadaysan loogu soo dhoweeyay Magaalada Hargeysa ee Caasimada Somaliland, waxaana lagu qaabilay farxad, iyadoo ay boqolaal dadweynaha oo ku sugnaa Madaarka iyo wadooyinka Magaalada muujiyeen shucuur dareen wadaniyadeed oo ay ku qaabileen Madaxweynaha iyo xubnaha Wefdigaa oo marka laga yimaado xubnaha golaha wasiirada ee ka tirsan xukuumadda ay la socdeen Guddoomiyaha Guurtida Somaliland Saleebaan Maxamuud Aadan iyo Adna Aadan Ismaaciil oo iyadu xubin ka ah guddida wada hadalada Somaliland iyo Soomaaliya ay xukuumaddu ugu magcawday.

Guddoomiye Saleebaan iyo Adna ayaa ahaa labada qof ee Wefdiga Madaxweynaha loogu hadal haynta badnaa intii ay ku sugnaayeen Djiboiti, iyadoo Guddoomiye Saleebaan mar uu warbaahinta la hadlay bilawgii ay wefdigu tageen dalka Djibouti si cad u sheegay hadal si weyn dhegaha bulshada Somaliland u galay oo uu ku sheegay in aannay xubnaha ka socda dhinaca Soomaaliya ee Madaxweynaha Dawladda Federaalka Maxamed Cabdullaahi Farmaao hoggaaminayaa aannay waxba meesha ku hayn, sidaa awgeed aannay wada hadal gelayn ilaa ay fuliyaan heshiisyadii hore ee laga gaadhay wada hadalada, wuxuuna iclaamiyay in ay iska soo noqonayaan oo dalka kusoo laabanayaan.

Dhawaaqa Saleebaan iyo hadalkii uu sheegay bilawgii shirka, waxa xalay la weydiiyay Wasiir Siciid Sulub oo markii lagu kala kacay shirka warbaahinta la hadlay oo sheegay in laysku mariwaayay qodobo baddan, isla markaana ay dib ugu soo laabanayaan dalka in hadalkii maalintii ay Djibouti tageen uu sheegay Guddoomiye Saleebaan uu sax, wuxuuna xusay in Saleebaan sii arkayay waxa meesha kasoo socda, maadaama uu yahay Siyaasi Ruug-cadaa ah.

Madaxweyne Biixi, isagooo ay ka muuqato farxad, isla markaana dareenka farxadiisa ku ladhaya qosol aan looga baran inta badan Madaxweyne Biixi, wuuxuu si gaar ah ugu xusay khudbadiisa doorka ay lahaayeen Guddoomiye Saleebaan iyo weliba Adna Aadan iyo Wasiirkii hore ee Arrimaha Dibedda Somaliland Maxamed Biixi Yoonis, waxayna dadku markii ay wefdigu kasoo degeen garoonka si gaar ah ugu urureen Guddoomiye Saleebaan iyo Adna, iyadoo loo xidhay Guddoomiye Saleebaan Maxamuud Aadan Taash.

Bal Daawo Muuqaalkan

 

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp