Telesom Dahabshiil
Published On: Sun, Nov 29th, 2020

Ra’iisal Wasaare Rooble Oo Ka Qaybgalay Shirka Qurba-joogga Soomaaliyeed

Araweelo News Network

 

 

#Muqdisho(ANN)-#Ra’iisal wasaaraha Xukuumadda Federaalka Soomaaliya Maxamed Xuseen #Rooble, ayaa ka qayb galay Shirweynaha Sanadlaha ah ee Gollaha Qurba-jooga Soomaaliyeed ee GSD.

Ra’iisal Wasaare Rooble, ayaa shirka kaga qayb galay aallada internetka ee maqal iyo muuqaal, iyadoo shirka lagu soo bandhigay fursadaha horumarineed ee ka jira dalka Soomaaliya, kuwaas oo ubaahan iskaashi iyo wadajir si looga faa’iidaysto kaalinta Qurba-joogta Soomaaliyeed.

Sida lagu sheegay qoraal kooban oo kasoo baxay saaka xafiiska Ra’iisal wasaaraha ee Villa Somalia oo nuqul ka mid ah soo gaadhay saaka shebekaddaha Araweelo News Network, ra’iisal wasaare Rooble ayaa la wadaagay Qurba-jooga Soomaaliyeed horumarka Maalgashi ee dalka laga sameeyay iyo kobaca dhaqaale, wuxuuna tusaaleeyay fursaddaha shaqo ee loo abuuri karo dhallinyarada Soomaaliyeed oo door firfircoon ku leh dib u dhiska dalka iyo dowladnimada.

“Qurba-joogta Soomaaliyeed waxaa ay door weyn ka soo qaateen dib-u-heshiisiinta, Dowladnimada iyo horumarinta bulshadeenna ku nool gudaha, waxaa xusid mudan tan iyo bur-burkii dalkeenna in ay jiraan xarumo Caafimaad, Waxbarasho iyo Ganacsi oo ay ka hirgeliyeen dalkooda hooyo qurba-joogu, waxayna qayb ka tahay dadaallada ay ku bixiyaan soo kabashada dalkeenna”ayaa lagu yidhi, qoraalka.

Sido kale, Ra’iisal Wasaare Rooble ayaa tilmaamay muhiimadda ay leedahay in laga faa’iidaysto kheyraadka kala duwan ee dalka oo ay ugu horreeyaan horumarinta maalgashi xirfaddaha, Dalxiiska, Tamarta, kalluunka iyo hal abuurnimada ay dadka qaarkood hibada u leeyihiin.

Ra’iisal Wasaare Rooble ayaa Qurba-jooga Shirka kasoo qayb galay ku dhiirrigeliyay isku xidhnaanta iyo in ay hormuud u noqdaan dib u dhiska dalka iyo horumarintiisa, isla markaana abuurraan mustaqbal wanaagsan oo dadka Soomaaliyeed u herseeda barwaaqo waarta.

Qoraalka saxaafadeedka ayaa lagu sheegay in qurba-jooga Soomaaliyeed dhankooda ay dowladda ku bogaadiyeen dadaallada ay ku bixinayso xaqiijinta amniga, kor u qaadidda dowladnimada iyo kobcinta dhaqaalaha qaranka.

 

 

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp