Telesom Dahabshiil
Published On: Thu, Nov 5th, 2020

Somaliland: Go’aamo Laga Soo Saaray Gaadiidka Gurran Ee Dalka iyo Soo Dejinta Gaadiidka Yaryar ee Vitz-ta.

Araweelo News Network.

Hargeysa(ANN)- Gollaha wasiirrada Jamhuuriyadda Somaliland ayaa go’aamo kasoo saaray gaadiidka gurran iyo soo dejinta gaadiidka yar yar ee Vitz-ta.

Sidaana waxa lagu sheegay go’aan kasoo baxay maanta shirkii gollaha Wasiirada Somaliland oo nuqul ka mid ah soo gaadhay shebekaddaha Araweelo News Network.

Qoraalka ayaa u qornaa sidan:-

“Fadhigii 66aad ee golaha wasiirrada Jamhuuriyadda Somaliland ku yeeshay habka Maqalka iyo Muuqaalka (Video Conference) oo uu shir guddoominayey Madaxweynaha Jamhuuriyadda Somaliland, Mudane Muuse Biixi Cabdi ayaa warbixin lagaga dhigeystay wasiirka arrimaha gudaha Somaliland, iyadoo goluhuna dood iyo falan-qayn dheer ka dib uu go’aamo ka gaadhay gaadiidka gurran ee dalka laga istcimaalo.

Ugu horayn waxa goluhu warbixin ka dhegeystay wasiirka wasaaradda arrimaha gudaha Somaliland, waxaanu xusay in xaalada guud ee dalku tahay mid nabadgelyo ah, wuxuuna amaan iyo bogaadin u soo jeediyey ciidamada kala duwan ee heeganka u ah arrimaha nabadgelyo dalka.

 

Goluhu wuxuu ka dooday wax-ka-bedelka iyo kaabista xeerka gaadiidka iyo wado marista Somaliland, Xeer Lr.56/2013, xeerkan oo ka mid ah xeerarka ugu muhiimsan ee qaranku leeyahay, waxyaalaha muhiimka ah ee uu ka hadlayana ay ka mid ahayeen:- Nidaamka maamulka gaadiidka iyo diwaangelintooda.

Ø  Noocyada kala duwan ee gaadiidka.

Ø  Ruqsada wadida gaadiidka.

Ø  Nidaamka waddo marista iyo haadadka iyo

Ø  Badbaadada gaadiidka iyo hanaanka badqabka gaadiidka.

Xeerkaas oo ay fulintiisa qayb muhiima ka yihiin hay’addo badan oo xukuumadda ah.

Dhinaca kale guddi hore goluhu ugu xilsaaray ka soo tallo bixinta gaadiidka gurran ee dalka laga isticmaalo ayaa golaha la wadaagay warbixin ku aadan sidii wax looga qaban lahaa gaadiidka gurran ee dalka laga isticmaalo iyo gaadiidka yaryar ee aan manfaca badan u lahayn bulshada, iyagoo xusay in tobankii bilood ee u danbeeyey sannadkan 2020 ay dalka soo galeen in ka badan 8,628 gaadhi oo badankoodu ay yihiin baabuurta aan manfaca muhiimka u lahayn bulshada.

 

Haddaba, Dood iyo falan-qayn dheer ka dib goluhu wuxuu go’aamiyey in aan gebi ahaanba lasoo dejin karin gaadiidka gurran ee isteerinka ku leh dhinaca midigta, si la isu waafajiyo gaadiidka dalka laga isticmaalo iyo haadka saxda ah ee dalka. Waxa kale oo goluhu go’aamiyey in la joojiyo gaadiidka aan manfaca u lahayn bulshada gaar ahaan gaadiidka yaryar ee Vitz. goluhu wuxuu wasaaradda gaadiidka iyo horumarinta jidadka u xilsaaray hirgelinta go’aamadaas.

 

Sidoo kale waxa golaha loo qaybiyey Xeerka Adeegga Kaalmada Sharci oo ay golaha hor keentay wasaaradda Cadaaladda, xeerkan oo muhiimad siinaya dadka danyarta.

 

Ugu danbayn golaha wasiirradu wuxuu hambalyeeyey habsami u socodka koobka gobolada Somaliland ee ka socda Caasimada Somaliland ee Hargeysa.

 

 

ALLAA MAHAD LEH

Maxamuud Warsame Jaamac

Af-hayeenka Madaxweynaha JSL.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp