Araweelo News Network
Rex Tillerson
Dooxa(ANN)-Xoghayaha Arrimaha Dibedda Maraykanka, Rex Tillerson ayaa sheegay in dawladda Sucuudigu aanay diyaar u ahayn heshiis dhexmara dalka Qadar si loosoo afjaro xiisada Dalalka Khaliijka.
Rex Tillerson, ayaa hadalkaa ka sheegay Shir Jaraa’id oo uu ku qabtay Caasimadda dalka Qatar ee Dooxa, wuxuuna tilmaamay aanu rajo buuxda ku qabin inay Dowladda Sacuudigu doonayso inay Wada-xaajood ka galan xalinta Khilaafka Khaliijka.
Xoghayaha Arrimaha Dibedda Maraykanka Rex Tillerson waxa kale oo uu carrabka ku dhuftay in aanay iyagu wada-xaajood ku khasbi Karin dad aan diyaar u ahayn inay wada hadlaan.
Bishii June 5-dii ayay Dowladaha Sacuudiga, Imaaraadka, Baxrayn iyo Masar xidhiidhka Diplomaasiyadeed u jareen dalka Qatar, iyagoo ku eedeeyay inay taageerto Kooxaha loogu yeedho Argagixisadda, balse dawladda Qatar wey beenisay eedaasi, waxayna xulufada sucuudigu soo saartay qodobo ay shuruud uga dhigeen heshiis dhexmara dawladda Qadar, kuwaas oo Xukuumadda Qadar ganafka ku dhiftay.
