TelesomDahabshiil
Published On: Thu, Mar 19th, 2020

Xukuumadda Somaliland Oo Ku Hanjabtay Inay Tallaabo Ka Qaadayso Ganacsatada Maceeshada Kordhiya


Hargeysa(ANN)-Xukuumadda Somaliland, ayaa ku hanjabtay inay tallaabo ka qaadayaan ganacsatada kordhiya qiimaha maceeshada, maadaama ay dhaq-dhaqaaqii iyo isu socodkii dunidu istaagay inta baddan. kadib markii xannuunka Coronavirus kala xidhay Adduunka.


Wasiirka Arrimaha Gudaha Somaliland, Maxamed Kaahin Axmed oo maanta saxaafada kula hadlay xafiiskiisa, ayaa sheegay in ganacsatada Somaliland oo kulan la yeeshay Rugta Ganacsiga Somaliland ay sheegeen in aannu jirin raashin qiimihiisa la kordhiyay.


Sidoo kale, wuxuu wasiirka Arrimaha gudaha Somaliland sheegay in ganacsatadu ay xaqiijiyiin in raashinka dalka yaal yahay mid ku filan oo aannay jirin raashin la’aan, isla markaana ay ganacsatada iyo Rugta Ganacsigu kala shaqaynayaan Dawladda ciddii raashinka qaali ka dhigta in tallaabo laga qaado.


Wuxuu sheegay in jaraa’idka kasoo baxa Hargeysa qoreen innay jiraan ganacsato raashinkii qarinaya iyo kuwo ku iibinaya qiime xad dhaaf ah, isagoo arrintaa ka hadlaya Wasiirka Arrimaha gudaha Maxamed Kaahin, wuxuu yidhi, “Waxa la sheegayaa oo Jaraa’idku maanta qoreen in ganacsatadii qaarkood raashinkii kicinayaan qiimaha, qaarna meelo gaar ah oo Bakhaaro ah dhiganayaan, waxay qoreen in Kiishka Bariiska ah uu gaadhay $ 50 (konton Dollar), waana la keeni doonnaa meeshay ka keenneen xogtaa.” ayuu yidhi.


Wasiirka Arrimaha Gudaha Maxamed Kaahin, wuxuu sheegay in wararka qaar yihiin kuwo khal-khalin ah oo Umadda iyo dalka lagu khal-khalinayo, kuwana ay yihiin Niman uu ku tilmaamay dhiig-miirato, oo ka faa’idaysanya fursada, kuwaas oo sida uu sheegay xilligan feejignaanta xannuunka lagu jiro ay ku noqdaan dhiig-miirato. sidaa awgeed wuxuu wasiirka Arrimaha Gudaha ku wargeliyay Maayarada dalka, Badhasaabyada gobolada iyo maamulada degmooyinka iyo tuulooyinka inay la socdaan qiimaha lagu iibinayo raashinka, isla markaana tallaabo laga qaado cidda qiimaha raashinka kordhisa.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp