Share this:

" />
Published On: Fri, Aug 31st, 2018

Dawladda Britain U Tababartay Soomaaliya Ciidamo 500 Gaadhaya

Smiley face

Araweelo News Network

 

Baydhabo(ANN)-Dawladda Britain, ayaa xukuumadda Soomaaliya ee Federaalka u tababartay in ka badan 500 oo ka mid noqonaya ciidaamadda Millateriga ee Soomaaliya, kuwaas ka dhamaystay(UK military training centre Baidoa) xarunta Tababarka Amniga Dawladda Britain ku leedahay Koonfurta Soomaaliya ee Baydhabo.

 

Sida lagu shaaciyay shebekadda forces.net oo arrimaha ciidamadda ka hadasha, waxayna Ciidamada Ingiriiska ee tababarka u fidinayay Ciidamadda Qaranka Soomaaliya tan iyo bishii Jan 2017, tababarka ay siinayaan ciidamadda Soomaaliya  diiradda ku saarayaan bixinta caafimaadka, horumarinta hoggaaminta, sahayda iyo tababarka xuquuqda Aadanaha.

 

“Tababarka aan bixinnay wuxuu gacan ka geysan doonaa dhismaha xasilooni iyo barwaaqo, Ciidanka Qaranka Soomaaliya way soo dhoweeyeen, iyaga  oo doonaya inay  bartaan waxyaabo  xirfadle ah, waana sii wadaynaa horumarka dalkooda.”  ayuu yidhi Mark Lancaster, oo ah wasiirka Ciidanka ee dalka Britain.

Warar laga xigtay Boqortooyada Ingiriiska, ayaa sheegaya in ujeedada muddada fog ee barnaamijka  ay siinayaan ciidamadda dawladda Federaalka ee Soomaaliya  ay tahay in lagu amro saraakiisha ciidamadda Soomaaliya  inay noqdaan kuwo isku-filnaansho ka gaadha tababarka ciidankooda.

Dhinaca kale Xukuumadda Ingiriiska ayaa u dirtay Soomaaliya ciidan gaadhaya 85 askari si ay u tababaraan oo ay ula shaqeeyaan Hawlgalka Midowga Afrika ee Soomaaliya. Haweenayda Ra’iisal Wasaaraha Britain Theresa May, ayaa mar ay shalay booqasho ku timi Nairobi oo ah xarunta dalka Kenya xaqiijisay taageerada howlgalka Midowga Afrika ee Soomaaliya, waxayna ku dhawaaqay qorshe cusub oo maaliyadeed oo lagula dagaallamayo Al-Shabaab.

Ciidamadda Britain Maxay ka Qabanaayaan Soomaaliya.?

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face