#Araweelo_News_Network.
Moscow(ANN)-Madaxweynaha Ruushka Vladimir Putin ayaa khudbad u jeediyay dalkiisa kaga hadlay arrimo baddan oo la xidhiidha dagaalka Ukraine, isagoo uga mahad celiyay muwaadiniinta midnimadooda, ka dib kacdoonkii la joojiyay ee kooxda calooshood u shaqeystayaasha ah ee Wagner.
Putin waxa uu sheegay inuu ixtiraami doono ballanqaadkiisii ahaa in dagaalyahannada Wagner ay u guuraan dalka ay xullufadda yihiin ee Belarus haddii ay rabaan, iyadoo taliyaha Wagner Yevgeny Prigozhin la rumeysan yahay inuu musaafuris ku maqan yahay.
Hase yeeshe Madaxweyne Putin wuxuu sheegay in askartu ay sidoo kale qandaraas la saxeexan karaan Wasaaradda Difaaca Ruushka, balse ma magcaabin hoggaamiyaha Wagner, Prigozhin laftiisa, kaas oo Ninka hoggaamiyaha u ah kooxda calooshood u shaqeystayaasha, iyadoo dhawaaqyadiisu abuureen dareen shaki geliyay ciidamada Ruushka, kaddib markii uu tilmaamay dhawaaqyo uu warbaahinta la wadaagay oo loo fasirtay inay ahaayeen ficilo muujinaya daciifnimo dhanka amaanka ee Ruushka.
Yevgeny Prigozhin, hogaamiyaha kooxda calooshood u shaqaystayaasha ee Wagner, waa Ninka kacdoonka aan caadiga ahayn ka bilaabay dalka Ruushka dhamaadkii itodobaadkii hore, laakiin mar keliya ayuu si lama filaan ah u joojiyay dhawaaqyadii shakiga abuuray ee ay ku diirsadeen Maraykanka iyo xullufaddiisu.
Mr. Yevgeny Prigozhin, image file, Araweelo News Network, 27 May 2023.
ayaa soo saaray fariin maqal ah oo 11 daqiiqo ah isniintii soo mariyay Telegram, taas uu doonayo inuu ku masaxo dhawaaqyadii hore iyo ficilkiisa, wuxuuna farriinta ku sheegay in uu doonayo in uu ka dhiidhiyo weerarka xullufaddu ku hayaan dawladda Ruushka iyo habacsanaan uu sheegay inay ka muuqato Taliyayaasha ciidamadda Ruushka iyo Wasaaradda gaashaandhiga, balse aanu doonayn in uu afgambiyo dawladda Ruushka, isla markaana waxa dhawaaqiisa u danbeeyay loo fasirtay mid cabsi ah si uu uga badbaado dacwado lagu eeddeeyo khiyaamo qaran iyo denbiyo hore oo loo hayay hoggaamiyaha kooxda Wager ee Prigozhin , wallow kooxdiisa aan la ogayn halka Belarus uga guurayaan, balse waxa jira xoggo la xidhiidha hawlgalo kale oo ay kooxdu doonayso inay ka fuliso dhinaca Afrika.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com
