Araweelo News Network.
Kampala (ANN)-Madaxweynaha Dawladda Federaalka ee Soomaaliya Xasan Sheekh Maxamuud iyo wafdi uu hoggaaminayo ayaa gordhow gaadhay magaalada Kampala ee Caasimadda dalka Ugandha.
Sida ay shaacisay Villa Somalia, wuxuu Madaxweyne Xasan Sheekh ka qaybgelayaa munaasibad ballaadhan oo ka dhici doonta Kampalla, isagoo ka qaybgeli doona 60- guuradii ka soo wareegatay markii uu dalkaasi xorriyadda qaatay.
Dhinaca kale, Madaxweyne Xasan Sheekh oo dalka ka baxay xilli ay Al-shabaab ugaadhsanay saraakiisha sare ee ciidamada Amniga ee dawladda Federaalka, isla markaana uu dalka meelo baddan ka socdo dagaal xoogan oo u dhexeeya Al-shabaab iyo ciidamada dawladda, waxa jira warar sheegaya inuu Madaxweyne Xasan ayaa wadahadallo ku qotoma xoojinta iyo garab istaagga dagaalka ka dhanka ah Al-shabaab ee ka socda qaybo ka mid ah Soomaaliya, la yeellan doona madaxda dalkaa.
Uganda ayaa ka mid ah dalalka ciidamada ugu baddan ka joogaan Soomaaliya, isla markaana wararka la xidhiidha safarka Madaxweynaha ayaa tilmaamaya in aannay ka madhnayn sidii uu taageero heer gobol ah ugu heli lahaa dagaalka dowladiisu ay ku doonayso in Al-shabaab, ay kaga adkaato.
Madaxweyne Xasan Sheekh lama sheegin inta uu qaadanayo safarkiisu iyo inuu meel kale uga sii gudbayo Uganda, balse madaxda ka qaybgalay munaasibada oo maalinta Axada ka dhacaysa Kampala oo u baddan kuwo Afrikaan ah, ayuu weydiisanayaa Madaxweyne Xasan Sheekh taageero millateri si loo soo afjaro dagaalka Al-shabaab.
Please share with your friends the news and information provided by Araweelo News Network.
Published by Araweelo News Network.
Follow us Twitter@Araweelonews
Facebook@AraweeloNews
By Arraale M Jama Freelance Journalist and Human Rights activist.
Araweelo News Network.
info@araweelonews.com
