#Araweelo_News_Network.
Laascaanood (ANN)-Xukuumadda Somaliland, ayaa ka hadashay dagaal saaka waaberigii ka dhacay Magaalada Laascaanood ee xarunta gobolka Sool, halkaas oo ay in ka baddan saddex todobaad dagaalo aan xidhiidh ahayn ka socdeen.
“Fadhiisimada Ciidamada Qaranka Jamhuuriyadda Somaliland ee Galbeed Magaalada Laascaanood soo weeraray saaka kooxaha Nabad diidka iyo Argagixisada ah ee ku sugan Magaalada Laascaanood.” Sidaa waxa lagu sheegay war-saxaafadeed kasoo baxay xukuumadda Somaliland Salaasadii maanta 28 February 2023.
Laxidhiidha: Laascaanood Dagaalka Laysugu Awood Sheegtay
Xukuumadda Somaliland, waxay ku sheegtay warkeeda in Ciidamada Qaranka Jamhuuriyadda Somaliland oo ka duulaya in ay is difaacaan dhirbaaxo kulul ku dhufteen kooxaha huwanta ah, kuwaas oo sida ay sheegtay ay kusoo biireen Taliyayaal Ciidan oo ka yimi dhinaca Magaalada Muqdisho.
Laxidhiidha:”Waxa Ballan ah in Aannu Laascaanood kusoo celino Gacanta Qaranka Somaliland ”Taliyaha Qaybta Difaaca Safka Hore Ee Jiida Tukaraq Sareeyo Guuto Faysal Bootaan
“Ciidamada Qaranka Jamhuuriyadda Somaliland waxay diyaar u yihiin in ay shacabkooda ka difaacaan kooxaha Argagixisada ah ee gabaadka ka dhiganaya dadka shacabka,kooxahan oo isaga kala yimi meelo kala duwan.” Ayaa lagu yidhi, war-saxaafadeedka.
Dhinaca kale, waxa lagu sheegay war-saxaafadeedka in Dawladda Jamhuuriyadda Somaliland u cadaynayso Beesha Caalamka iyo wadamada jaarka ah in kooxahan Argagixisada ah ee dagaal kula jira Somaliland ay khatar ku yihiin nabadgelyada iyo Xasiloonida Gobolka Geeska Afrika, sidaa awgeed “Dawladda Somaliland waxay baaqaysaa in la iska kaashado kooxahan Argagixisada ah sidii looga sifayn lahaa Magaalada Laascaanood.” Ayaa lagu yidhi, war-saxaafadeedka.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com
