TelesomDahabshiil
Published On: Sun, Jun 14th, 2020

Shacbiga Somaliland Maxay ka Filayaan Shirka Djibauti?

 

WQ: Xuseen Cali Nuur

Muddo soddon sannadood ah, sannadihii halganka ee hubaysnaa, cadaadiskii iyo gummaadkii keligii-taliyihii iyo caddaalad-daradii ay kala kulmeen is-raacii 1960-kii, maalintii Julay kowdeedii, ayaa riyadii Soomaaliwayn burburkeeda ugu horeysay.  Magaalada Djibouti waxa ku kulmay Madaxwaynaha Jamhuuriyadda Somaliland Md Muuse Biixi Cabdi iyo Madaxwaynaha Federaalka Soomaaliya Maxamed Cabdillaahi Farmaajo.

Mawqifka labada Madaxwayne, labada dal iyo labada shacbibba mid cusub maaha.

Shirka Djibouti waxa ku cusub, dalalka iyo ururada ka soo qaybgalay, waxaana la rejaynayaa in go’aanada ka soo baxaa ay ahaadaan kuwo ku salaysan caddaalad iyo waayo-aragnimada taariikheed ee dalalka ka soo qaybgalay ay u leeyihiin. Waayaha nololeed waxa uu shacbiga Somaliland hore u baray, ogyihiinna in aan gar aan caddaawad ku dhisnayn laba qof ka wada qoslin karin.

Su’aasha waxay tahay, shirka maanta ay ka soo qaybgaleen dalalka Maraykanka, Itoobiya, Ururka Midowga Yurub, IGAD,  Guddoomiyena u yahay Madaxwaynaha Djibouti Md. Ismaaciil CUmar Geelle. Waxa la filayey inay u soo xayteen, danaynayaanna xal dhab ah oo la gaadho.Tolow ma noqon kartaa in dalalkani ay danaynayaan xaqiiqda ka jirta labada dal? Ma yihiin kuwo taariikhda la socda iyo qaybaha ay ku lahaayeen in himiladii dadka Soomaaliyeed lahaayeen lixdankii (1960) inay burburaan oo aanay rumoobin?

Aan ku bilowno dalka Maraykanka oo qarnigii 18-aad gumaysiga Ingiriiska iska raray, waxa baaqiisii xornimo ka mid ahaa in aan umad la horjoogsan karin masiirkeeda xornimo-doonka ah, awood kasta oo ka hor timaadda, waxaanay taasi ahayd tii himiladoodii xornimo rumaysay, waxaanan filayaa in waftiga Maraykanka ka jooga shirka aannu iska indho tirin  in xornimada la soo noqosho ee shacbiga Somaliland ay la mid tahay tii Maraykanku dadkay isirka wadaagayeen ee Ingiriiska iskaga xoreeyeen.

Ergada u joogta Midowga reer Yurub, waxaan rajaynayaa in aanay ilaabin oo xasuusanayaan in Somaliland iyo Soomaaliya ay yihiin labada dal ee Ingriiska iyo Talyaanigu kala gumaysanayeen.; isla mar ahaantaana Somaliland markay xorowday ay 30 dal u aqoonsadeen Somaliland dal madaxbannaan oo xor ah. Dalka Itoobiya oo Ra’iisal-wasaaruhu maanta shirka uga qaybgalay, kaalinna ka qaatay sidii nabadi u dhex mari lahayd dalka Ereteriya ee mar midoobeen oo kala noqday.

Dalalka Urur-goboleedka IGAD ka tirsan, waxaan xasuusinayaa inay Koonfurta Suudaan oo ka tirsanaan jirtay dal waynaha Suudaan halgan qadhaadh oo dheer ka bacdina ka go’day aanay wax is hor taag ah iyo ka hadal ah aanay ka gaysan, sidaana ay Koonfurta Suudaan maanta ku tahay dal madaxbannaan.

Dalalka IGAD ee kale waxa jirta in suuqii dhaqaalaha ee bariga Afrika ee ka dhexeeyey saddex dal, lana filayey in gobolka oo idil iyo badhtmaha Afrikaba danahooda gaarka ah marka uu burburay aanay cidina ka hor iman, waxaanse leeyahay ka qaybgalayaasha dalalka oo idil in iska indho-tirin xaqiiqda iyo runta, ogaadaanna in himiladii midnimo ee Soomaaliwayn ay muuqaal ahaan dhimatay taariikhdu markii ay ahayd 1 Julay 1960kii, markii Soomaaliya ay ula dhaqantay Somaliland gobol ka tirsan.

Waxa maydka Soomaaliwayn intaan la kafnin, waxyeelo u gaystay dalka Jamhuuriyadda Djibouti oo gooni isku taagay. Waxa is kaba raaciyey Madaxwaynihii Kenya ee Mr. Kenayaata markii uu diiday aftidii laga qaaday NFD, isagoo Muqdisho joogana Kenya oo wali xornimo qaadan ku dhawaaqay Uhuru Naa Keya.

Soomaaliwayn waxa la aasay dagaalkii 1977-78 ee dhexmaray Jamhuuriyaddii dimuqraadiga ahayd ee Soomaaliya iyo Itoobiya, waxaana maydkii midnimo aboorku cunay oo lafihiisii noqdeen markii shacbiga Somaliland loola dhaqmay sidii gumaysiga, la gumaaday, diyaarado lagu duqeeyey, madaafiic lala dhacay, rasaasna lagu rusheeyey.

Is-raac dambe iyo midnimo oo muqaddas inay u dhammaatay oo aanay qarnigan aanay jirin waxa noogu filan xusuus iyo dersi ahaan Alle ha u naxariistee madaxwaynihii Somaliland ee 1960kii is-raaca keenay Madaxwaynihii labaad ee Somalilandna 1993kii noqday Maxamed Ibraahim Cigaal, iyadoo shirkii beelaha ee labaad Booraama ka socdana ka qaybgalay shirkii dib-u-heshiisiinta Soomaaliya ee magaalada Addiss Ababa isla sannadkaa erayadii uu yidhi markii ka qaybgalayaashii shirka Addis ku heeseen SOOMAALIYEEY TOOSAAY TOOSOO ISKU TIIRSADA  ee uu u jawaabay; “Maanta jidhkii u damqanayey naguma yaallo.”

Haddaba, waxa aan leeyahay cidda wali u riyoonaysa riyada kuwa ku hammiyeya, kuwa u hanqal taagaya Soomaaliwayn  in arrinkoodu ka dhigan yahay; ‘qudhaanjooy ku quuso.’

By: Suxufi Xuseen Cali Nuur, Hargeysa, Somaliland.

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp