Share this:

" />
Published On: Tue, Aug 20th, 2019

Bilawga Dayac-tir Dib Loogu Dhisayo Waddada u Dhexaysa Adhi-caddeeye iyo Tuulo Samo-kaab Ee Sool

Smiley face

Hargeysa(ANN )- Wasaaradda Gaadiidka iyo Horumarinta Jidadka Somaliland oo kaashanaysa Shirkadda Axmed Suudi Construction Company, ayaa bilawday dayac-tirka jidka u dhexeeya degaannada Adhi-caddeeye iyo Tuulo Samo-kaab oo ka tirsan Gobolka Sool, taasoo ay waxyeelo u gaysteen roobabkii ka da’ay degaanka.

Wasiir-ku-xigeenka Wasaaradda Wasaaradda Gaadiidka iyo Horumarinta Jidadka Somaliland Md. Sahal Maxamed Jaamac oo halkaas ka hadlay, ayaa ballanqaaday inay Xukuumadda ka go’an tahay sidii dayac-tir iyo horumarin loogu samayn lahaa dhammaanba jidadka iyo waddooyinka dalka Somaliland, isagoo xusay in dayac-tirka jidka u dhexeeya degaannada Samo-kaab iyo Adhi-caddeeye ay ka mid tahay qorshayaasha lagu horumarinayo waddooyinka.

Dacaytirka waddada u dhaxaysa Adhi-cadeeye iyo Samakaab oo la dhagax-dhigay 20 August 2019.
Dacaytirka waddada u dhaxaysa Adhi-cadeeye iyo Samakaab oo la dhagax-dhigay 20 August 2019.

“Waxa aannu leenahay Shirkadda Suudi Construction Company, maanta waannu kuu furmay hawsha dayac-tirka ah waddada oo waad bilaabaysaan dayac-tirka waddadan Adhi-caddeeye ilaa Tuulo Samo-kaab. Waxa aannu leenahay anaguna ka Xukuumad ahaan lacagtii lagu dayac-tirayay jidka waa tii ay Wasaaradda Maaliyaddu kuu saxeexday, markaa maadaama aad qalabkaagii keentay in aad hawshaas si fiican u dhammaystirto, waxaanan ka codsanaynaa Guddida Qandaraasyada Qaranka, Wasaaradda Maaliyadda, Wasaaradda Gaadiidka iyo Horumarinta Jidadka in aanay cid lagula tartansiiyo aanay jirin, maadaama oo aad adigu ku bilawday maalkaagii iyo qalabkaagiiba oo aad markii horeba si mutadawacnimo ah aad ku sii bilawday oo weliba aad nagala soo shaqaysay tii dhinaca bariga ka ahayd degaanka Maraaga oo aad cagafyadaadii noo keentay waad ku mahadsan tahay oo abaal-gud ayaannu kuu siinay in aad adigu hawshaas fuliso,” ayuu yidhi Wasiir-ku-xigeenku.

Masuuliyiin iyo saraakiil kale oo halkaas hadalo ka jeediyey, ayaa sheegay inay ku faraxsan yihiin dhismaha lagu dayac-tirayo jidka u dhexeeya degaannada Adhi-caddeeye iyo Tuulo Samo-kaab, iyagoo shirkadda gacanta ku haysa hawshaasna kula dardaarmay inay sida ugu dhakhsaha badan ee ugu tayada badan u dhammaystirto hawshaas muhiimka u ah qaranka Somaliland iyo isku-socodka bulshada.

Waxa kaloo ay u mahadnaqeen Madaxweynaha Jamhuuriyadda Somaliland Md. Muuse Biixi Cabdi oo ay ku sifeeyeen inuu yahay Madaxweynaha horumarka, iyagoo xusay in muddada uu xilka hayey mashaariic kala duwan laga hirgeliyey degaannada Gobolka Sool ee bariga Somaliland, kuwaasoo ay ka mid yihiin waddooyin la dhisay, cusbitaalo, xarumaha hooyooyinka iyo dhallaanka ee MCH-yada iyo goobo waxbarasho.

Guddoomiyaha Shirkadda Axmed Suudi Company Mr. Axmed Suudi oo isna goobta ka hadlay, ayaa ka warbixiyey dhimsaha waddada iyo qaabka ay dayac-tirka ugu samaynayaan, waxaannu yidhi; “Waxa aannu nahay Shirkadda Axmed Suudi Company oo diyaar ah in aannu hadda bilawno dayac-tirka waddada Adhi-caddeeye ilaa Tuulo Samo-kaab, qalabkiina wuu yaalaa, markaa waxa aannu rajaynaa in aannu sida ugu dhakhsaha badan aannu ku dhammaystirno haddii Ilaahay yidhaahdo oo waddo wanaagsana aanu samayno, taasoo ah waddo qiimo leh oo tayo leh oo aan tii hore oo kale ahayn.”

Xubno isugu jira Odayaal iyo madax-dhaqameed oo ka mid ah bulshada degaanka oo iyaguna hadallo jeediyey, ayaa sheegay inay aad ugu faraxsan yihiin bilawga lagu dayac-tirayo dhismaha waddada isku xidhay degaannada Adhi-caddeeye iyo Tuulo Samo-kaab, taasoo uu burbur soo gaadhay, waxayna tilmaameen in jidku yahay waddadii uu Shiinuhu dhisay oo dhawr jeer dib-u-habayn lagu sameeyey, iyadoo markasta oo la gaadho xili roobaadka ay daadku khasaare u gaystaan jidkaas.

Waxa kaloo ay u mahadnaqeen Wasaaradda Gaadiidka iyo Horumarinta Jidadka Somaliland oo ay sheegeen inay dedaal ugu jirto sidii loo dhisi lahaa waddooyinka burbursan ee dalka, iyagoo dhanka kale ka codsaday shirkadda dhisaysa jidkaas inay muujiso dedaal iyo masuuliyad midho-dhalkoodu noqdo waddo tayo fiican oo bulshadu ka wada faa’iidaysato.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp