Araweelo News Network
Addis Ababa (ANN)Maareeyihii hore ee Dekedda Berbera Eng. Cali Cumar Maxamed (Cali Xoor-xoor), ayaa beeniyey laga baahiyey oo sheegayey inuu ku biirayo xisbiga WADDANI.
Eng. Cali Xoor-xoor waxa uu waxba kama jiraan ku tilmaamay war uu ka baahiyey wargeyska Foore oo uu ku sheegay in isaga iyo siyaasiyiin uu hoggaaminayaa wadahadal ay ugu wareegayaan la bilaabeen mucaaradka.
“Ma jirto wadahadalo na dhexmaray xisbiga Waddani iyo in aan ku biirayo xisbigaasi, warkaasina maa mid been-abuur ah oo aan sal iyo raad toona lahayn. Anigu waxaan ka tirsanahay Golaha Dhexe ee xisbiga KULMIYE iyo dawladdiisa oo aan la soo shaqeeyay, haddana aan la shaqeeyaa, markaa qolyaha warkaas qoray waxan leeyahay adeer intaydaan warka baahin horta xogta rasmiga ah raadiya cidda ay khusaysana wax ka weydiiya si warkiinu u noqdo mid la hubo,” ayuu yidhi Eng. Cali Xoor-xoor oo isagoo ku sugan magaalada Addis Ababa ee dalka Itoobiya khadka telefoonka kula soo xidhiidhay suxufiga Cabdikariin Siciid Saalax, ahna tifaftiraha shabakadda wararka Internetka ee Horseednews.com.
Waxaannu isagoo hadalkiisa sii wataa intaa ku daray, “Waxba kama jiraan siyaasiyiin iyo taageerayaal aan hoggaaminayo oo iyaguna ku biiraya Waddani iyo wadahadallo na dhexmaray toona.”
