TelesomDahabshiil
Published On: Mon, Apr 20th, 2015

Garoowe: Qarax Lala Beegsaday Shaqaalaha Qaramada Midoobay, Maydadka Iyo Dhaawaca Oo Loo Duuliyay Nairobi Kaddib Ergayga Arrimaha Somalia Ku Tegey Halkaa

qaraxagarooweGaroowe(ANN)Masuuliyiinta Maamul goboleedka Puntland ee Somalia, ayaa faahfaahin ka bixiyay qarax ay ku nafwaayeen ugu yaraan toddoba qof, isla markaana ay ku dhaawacmeen tiro intaa ka baddan oo saaka ka dhacay magaalada Garoowe.
Qaraxan ayaa lala beegsaday baabuur bas ah oo ay saarnaayeen shaqaalaha Qaramada Midoobay oo ku sii jeeday goobta shaqada.

War saxaafadeed kasoo baxay hay’adda UNICEF ayaa lagu sheegay in afar ka tirsan dadka dhintay ay hay’adda ay u shaqaynayeen. Qaramada Midoobay waxay sheegtay in la tuhnsan yahay in uu sababay qof isa-soo miidaamiyay oo baabuurka isku qarxiyay, iyadoo mayd aan weli la aqoonsan la dhigay qolka Maydka ee Cusbitaalka Garoowe, kaas oo qayb ka mid ah jidhkiisa la hayo, isla markaana aan la garanayn meesha uu ka yimi.

​Qaraxa ayaa dhacay saaka xili hore abaarihii 8-da subaxnino, wax yar kadib markii shaqaaluhu ay ka baxeen dhisme ay ka degganaaayeen magaalada, iyagoo usii jeeday xarunta qaramada midoobay ee xafiisyada ay ka hawlgalaan, waxaana qaraxaa sheegtay Al-shabaab sida lagu baahiyay shebekadaha warbaahinta ee taageera Al-shabaab.

Dhinaca kale Taliyaha Booliska Nugaal Axmed Cabdullaahi Samatar, ayaa sheegay in 7 qof oo ku dhintay qaraxa 5 ka mid ah ay u shaqaynayeen qaramada midoobay, 2 askarta ilaalada oo Soomali ah iyo qof todobaad oo sida uu sheegay ahaa kii qaraxa sababay, waxaana dalalka ay u kala dhasheen dadka dhintay ee ajaanibka lagu sheegay, Kenya, Uganda, Ghana, USA iyo Afghanistan.

Taliyaha Booliska, ayaa intaa ku daray in qaraxaa oo sababay Dhaawaca 7 qof oo 5 ka mid ah yihiin ajaanib, kuwaas oo ay ku jirto Marrian Clark oo ahayd madaxii Unicef ee Puntland.. halka laba kale oo dhaawac ah ay yihiin Soomaali, balse saraakiisha Cusbitaalka, ayaa dhinacooda sheegay in dadka dhaawaca ah iyo maydadka shaqaalaha qaramada midoobay loo qaaday dhinaca Nairobi, kuwaas oo u kala dhashay Searlonie, Uganda, Kenya iyo USA.

Ergayga Qaramada Midoobay u qaabilsan Soomaaliya danjire Nicholas Kay iyo ku xigeenka arrimaha bini’aadanimada Philippe lazzarani, ayaa gaadhay markii qaraxu dhacay kaddib magaalada Garoowe si ay u qiimeeyaan xaalada dhinaca amaanka, isla markaana dhaawaca iyo maydadka loogu qaado dhinaca Nairobi.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face noradin-schools---alikhwa

Pin It