Telesom Dahabshiil
Published On: Thu, Apr 29th, 2021

Madaxweyne Biixi Muxuu Ka Yidhi Dhismaha Biriijka Dacarbudhuq Ee Galaaftay Nollosha Boqolaal Qof Iyo Hanti Malaayiin Ah

Araweelo News Network.

 

Hargeysa(ANN)-Madaxweynaha Jamhuuriyadda Somaliland,  Muuse Biixi Cabdi, ayaa kasoo  safar shaqo oo uu ku tegay magaalada Berbera ee xarunta gobolka Saaxil, isagoo kormeer shaqo kusoo maray biriijyada kala duwan ee u dhexeeya Hargeysa iyo Berbera.

Madaxweyna Somaliland Muuse Biixi oo kormeeray Dhismaha Biriijka Dacarbudhuq ee duleedka Bariga Hargeysa 30 April 2021. Image File Araweelo News Network.

Biriijyada wadada isku xidha Hargeysa iyo Berbera, ayaa laga wadaa shaqo dib u dhis ah, waxaana si gaar ah dooxa weyn ee Dacar-budhuq oo ah midka uga waxyeelada badan xilliga roobabka ka socota shaqo gacanta lagu hayo dhismihiisa Biriijka ka tallaaba dooxa, kaas oo meel wanaagsan marayo.

 

 

Madaxweynaha iyo xubno weftigiisa kamid ah, ayaa kormeeray habsami-u-socodka Biriijka dooxa Dacar-budhuq, waxana ay halkaas ku arkeen masuuliyiinta hawsha dhismaha gacanta ku haya iyo shaqaallaha oo hawl-maalmeedkooda ku guda jira.

Alt: Araweelo news Network

Madaxweyna Somaliland Muuse Biixi oo kormeeray Dhismaha Biriijka Dacarbudhuq ee duleedka Bariga Hargeysa 30 April 2021. Image File Araweelo News Network.

Madaxa mashruuca Berbera Corridor, Eng. Ciise Yuusuf Maxamed (Xamari), ayaa madaxweynaha uga warbixiyey halka ay marayso guud ahaan waddada Berbera Corridor oo ay wehelinayaan dhismaha Biriijyo waaweyn oo bulshada dhibaato badan ku hayey, waxana uu sheegay inay horumar ballaadhan ka sameeyeen dhismaha waddada iyo biriijyadaba, islamarkaana ay dedaal weyn geliyeen sidii uu biriijka dooxa weyn ee Dacar-budhuq sida ugu dhaqsaha badan ugu dhamayn lahaayeen, isagoo balanqaaday in ay  dhowaan dhammaystiri doonaan.

Biriijka Alt: Araweelo News Network

Madaxweyna Somaliland Muuse Biixi oo kormeeray Dhismaha Biriijka Dacarbudhuq ee duleedka Bariga Hargeysa 30 April 2021. Image File Araweelo News Network.

Qaar kamid ah Injineerrada ajaanibka ah ee dhismaha biriijka gacanta ku haya oo Madaxweynaha warbixin ka siiyay hawsha ay gacanta ku hayaan, ayaa caddeeyey inay hawsha dhismaha biriijyadu si habsami leh ugu socoto, dedaal badanna ugu jiraan sidii ay u dhammaystiri lahaayeen.

Alt: Araweelo News Network

Madaxweyna Somaliland Muuse Biixi oo kormeeray Dhismaha Biriijka Dacarbudhuq ee duleedka Bariga Hargeysa 30 April 2021. Image File Araweelo News Network.

Madaxweynaha Jamhuuriyadda Somaliland, Muuse Biixi Cabdi, ayaa kormeerka kadib waxa uu ammaan iyo bogaadin u jeediyey madaxda iyo shaqaalaha kala duwan ee gacanta ku haya Biriijyada iyo guud ahaanba waddada weyn ee Berbera corridor, isaga oo guul weyn ku tilmaamay in waddadii Berbera Corridor iyo dhismihii Biriijyada isu socodka shacabka muhiimka u ah.

“Waa wax lagu farxo in maanta ay Biriijyadii halkan marayaan oo haddii Alle yidhaahdo sannadkan Aakhirkiisa Biriijyada kuwa ugu waaweyni ay dhammaan doonaan, xisbiga KULMIYE in badan buu ummadda u ballan qaaday inuu waddooyinka wax ka qaban doono kolba taagtiisa iyo ciddii uu la kaashadaba.”ayuu yidhi, Madaxweyne Biixi.

Alt: Araweelo News Network

Madaxweyna Somaliland Muuse Biixi oo kormeeray Dhismaha Biriijka Dacarbudhuq ee duleedka Bariga Hargeysa 30 April 2021. Image File Araweelo News Network.

Biriijka weyn ee dhismihiisu ka socdo dooxa Dacar-budhuq, oo qayb ka ah heshiisyadii DP World ee balaadhinta Dekedda Berbera, ayaa ahaa kuwo xukuumaddii Madaxweynihii hore ee Axmed Siilaanyo la gashay shirkadaa, ayaa dhererkiisu dhan lagu sheegay, 105M (Boqol iyo shan mitir), waxana uu kamid yahay biriijyada ugu muhiimsan ee la filayo in dhismihiisa si dhaqso ah loo dhamaystiro, maadaama uu yahay ka ugu khatar badan ee xilliga raxmaadka ay dad badani naftooda ku waayeen, isla markaana uu sababo khasaare nafeed iyo mid maaliyadeed.

Araweelo News Network.

info@araweelonews.com

About the Author

- #Arraale Mohamoud Jaama, a Freelance Journalist and Human Rights Activist and over 20 year experience as a Career Journalism and human rights activist, as well as a writer and investigation journalism on a wide range of topics related to social issues, human rights, politics, security, economics, democracy, good governance, and events in the region and around the world and Worked for the Somaliland Newspapers, in 2008 established website #Araweelo #News #Network, which based in Somaliland he is a currently runs, #Arraale is a Specializes in the investigation and reporting on issues to human rights, democracy, and good governance. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp